Prenga: Kualifikoj Shqipërinë dhe largohem në Norvegji
"Jemi një grup plot energji, mund të shkojmë larg"
Shqipëria sot do të zh villojë ndeshjet e fun dit në grup të vlefshme për Euroligën, ku kombëtarja jonë bën pjesë në grupet e argjendta. Sot do të zbresin në parket si skuadra e femrave që drejtohet nga Altin Martiri, gjithashtu dhe ekipi i meshkujve i drejtuar nga Jani Melka. Fillimisht do të luajë skuadra e femrave, e cila në orën 17:00 në pallatin e sportit "Feti Borova" do të ketë përballë skuadrën e Gjeorgjisë. Vajzat kuqezi vijnë në këtë takim në një formë të shkëlqyer dhe plot entuziazëm pas fitores spektakolare të arritur vetëm pak ditë më parë në Austri. Edhe pse Shqipëria tashmë e ka siguruar kualifikimin për në fazën tjetër, në ndeshjen përballë Gjeorgjisë do të kërkohet fitorja për ta mbyllur sa më bukur ecurinë pozitive të ndeshjeve në grup. Ndërsa skuadra e meshkujve, ndryshe nga femrat, nuk arriti të kualifikohej për më tej dhe sot do të ketë një ndeshje shumë të vështirë përballë Kroacisë. Takimi do të zhvillohet në orën 20:00, po në pallatin e sportit "Feti Borova", dhe djemtë kuqezinj do të përpiqen të lënë pas zhgënjimet e fundit, edhe pse nuk do të jetë e lehtë, pasi kundërshtari kroat kërkon patjetër fitoren në këtë ndeshje për të ruajtur vendin e parë në grup. Në prag të sfidës me Gjeorgjinë, një nga lojtaret më në formë të skuadrës së femrave dhe kapitenia, Arjola Prenga, flet për "Panorama Sport", duke treguar momentin e shkëlqyer që po kalon skuadra.
Cili mendoni se është çelësi i suksesit i kësaj kombëtareje?
Gjatë këtyre tri viteve, mendoj se çelësi i suksesit është fakti se vajzat janë të gjitha punëtore dhe shumë korrekte. Nuk mungon disiplina, si në fushë dhe jashtë saj. Gjithashtu, eksperienca që ka një pjesë e grupit ndërthuret me energjinë dhe dëshirën që kanë vajzat e reja për t'u përmirësuar.
Si po i përjetoni këto ditë me skuadrën?
Atmosfera është shumë e mirë si rezultat i kualifikimit, po vazhdojmë stërvitjen rregullisht dy here në ditë sepse nesër (sot) luajmë ndeshjen e fundit të grupit me Gjeorgjinë, ku sigurisht jemi të lumtura që do të shkojmë në "Final 4" në Suedi, ku na presin ndeshjet më të rëndësishme.
Ku ndryshon ekipi i këtij sezoni nga ai i sezoneve të kaluara?
Ndryshimi i vetëm, mund të them, është se tashmë jemi më të bashkuara dhe më të konsoliduara si grup, si brenda dhe jashtë fushe.
Cilat janë planet tuaja personale për të ardhmen?
Tani po mendoj të zhvendosem në Norvegji, pasi fatmirësisht m'u hap drita jeshile për marrjen e lejes së qëndrimit. Por, nëse do të luaj apo jo gjatë këtij sezoni, nuk mund ta them me siguri.