Morata do vetëm Juventusin

Spanjolli mendon për "Zonjën e Vjetër", i shtyrë edhe nga bashkëshortja

Alvaro Morata ka vendosur të largo het nga Çelsi dhe Anglia. Sipas asaj që raporton "Sportitalia", sulmuesi mezi pret të largohet nga Londra. Për të dhe bashkëshorten e tij, Aliçe Kampelo Torino, duket oaza e duhur për të rritur binjakët, të cilët pritet të lindin së shpejti. Për transferimin e tij të bardhezinjtë, sulmuesi ka hedhur hapin e parë. Siç mësohet nga i njëjti burim, ai ka refuzuar ofertën e Milanit që e dëshironte me çdo kusht, interes i shfaqur publikisht që nga viti i kaluar kur 25-vjeçari vendosi të ndiqte Antonio Konten në Londër. Dëshira e tij për Italinë ka vetëm një emër dhe quhet Juventus.

Lehtësi - Në Torino, djaloshi i lindur në Madrid, do të rigjente një ambient që e njeh mirë, duke qenë se ka luajtur edhe më parë. Ambientimi me Serinë A dhe golat e rëndësishëm bënë që Morata të siguronte edhe fanellën e kombëtares së vendit të tij, teksa pas përvojës në Angli, trajneri Lopetegi nuk u bind për ta marrë në Rusi 2018. Një tjetër lehtësi jo e vogël është pagesa e bomberit. Aktualisht, në Londër arkëton diçka më shumë se 9 milionë euro dhe transferimi në "Allianz Stadium" nuk do ta cenonte pagën e tij.

Transferimi- Përveç një shkëmbimi me Gonzalo Higuain, një tjetër mundësi për të parë Moratën me fanellën bardhezi është ajo e pagesës së kartonit të tij. Çelsi e bleu një vit më parë diçka më shumë se 70 milionë euro dhe në Londër nuk kanë ndërmend të zhvlerësojnë investimin, ndaj Juvja duhet të tregohet bindëse me ofertën e saj në mënyrë që si për sulmuesin ashtu edhe për klubin italian, ribashkimi të bëhet real.