Spanja fiton, por Salah sulmon Ramosin: Qesharak!

oja nuk kënaq "furinë e kuqe", sulmi vazhdon të mos bindë

Një gol 5 minuta nga fundi i ndeshjes kundër Tunizisë nuk mjafton për të larguar "fantazmat" përreth kombëtares së Spanjës. Hulen Lopetegui "debuton" me fitore në Rusi (sfida u luajt në Krasnodar) dhe vazhdon ecurinë pozitive të rezultateve, por loja nuk është ajo që presin tifozët. Por ishte thjesht një miqësore dhe është gjithmonë vështirë për të nxjerrë përfundime. Trajneri kishte rikthyer në formacionin bazë Ramosin, Iskon dhe Busketsin, ndërsa në sulm i kishte dhënë një shans Rodrigos. Por ky i fundit nuk arriti ta shfrytëzonte siç duhej, edhe për faktin se në pjesën e parë Spanja nuk e qarkulloi topin mirë dhe vuajti presionin e Tunizisë. Madje ishin këta të fundit që mund të kalonin në avantazh dhe patën raste më të rrezikshme. Donin të tregonin se e meritonin prezencën e tyre në Botëror. Pas barazimit me Zvicrën dhe akuzave se sulmi i Spanjës nuk funksionon, këtë herë duhet të fitohej patjetër për të shmangur polemikat. Por goli sërish nuk ishte "kryefjala" e ndeshjes. Spanja në pjesën e dytë filloi të dominonte dhe të krijonte raste për të shënuar me David Silvën. Duhet të vinte minuta e 84-t që Iago Aspas, i cili ishte futur pak minuta më parë në fushë, shfrytëzoi një top të Diego Kostës për ta dërguar në rrjetë. Një gol që i jep qetësi "furisë së kuqe", por mbi të gjitha një mesazh trajnerit se kërkon

të jetë protagonist në Rusi. Por te Spanja e dinë që për të fituar ndeshjen e parë në Botëror kundër Portugalisë nuk mjafton kaq pak, duhet më shumë ritëm, më shumë shpejtësi, më shumë raste, më shumë agresivitet në sulm. Sepse Portugalia nuk është Tunizia...