“Nisi të marrë frymë, ju tregoj momentet e fundit me Fadilin”
“Ishte pa ndjenja, m’u duk se po përmirësohej”
Lajmi për ndarjen nga jeta të presi dentit të Federatës së Futbollit të Kosovës ka bërë të heshtë të gjithë botën e sportit në trevat shqiptare dhe jo vetëm. Mirëpo, personat që kanë përjetuar momentet e tmerrit dje me Vokrrin, kanë qenë një polic dhe një politikan, të cilët e kanë parë ishfutbollistin e shquar në çastet e fundit të jetës. Në momentet kur Vokrri ka pësuar atakun kardiak, ai ka qenë në një palestër, ku edhe ka nisur "ndeshjen e fundit me jetën". Ndihma e parë
Zyrtari i EULEX-it, Bengt Person, ishte personi i parë që i ka dhënë ndihmën Fadil Vokrrit pas sulmit kardiak që pati në një nga qendrat e fitnesit në Prishtinë. Zyrtari policor i EULEX-it kishte qëlluar rastësisht në qendrën e fitnesit kur kishte parë se Vokrrit i ishte vështirësuar gjendja. Në një prononcim për "IndeksOnline", zyrtari suedez u shpreh: "Ai ka ndërruar jetë!? Jam shumë i mërzitur që po e dëgjoj këtë lajm. Ishte pa ndjenja kur unë ndërhyra. Fillova ta ndihmoj dhe më pas nisi
të marrë frymë. Pasi u duk se po i përmirësohej gjendja, unë e lashë në duart e stafit mjekësor, të cilët e transportuan në spital. Sinqerisht, më vjen shumë keq. Ndihem i trishtuar" ka thënë Person. Mësohet se Person si një profesionist i
vërtetë i ka dhënë ndihmën e parë në mënyrë të specializuar Vokrrit, duke e kthyer në jetë për një çast, por që sulmi ka qenë i rëndë dhe nuk ka arritur të mbijetojë.
Valon Murati
Personi që ishte me Vokrrin
në momentin e atakut kardiak, ishte kryetari i Lëvizjes për Bashkimin, Valon Murati, i cili përmes një statusi në "Facebook", ka treguar se ish-futbollisti i shquar ka qenë idhulli i fëmijërisë për shumë breza. "Fëmijët sot kanë Mesin e
Ronaldon, ne idhull kishim Fadil Vokrrin. I trishtuar që nuk i mbijetoi sulmit. Edhe më i trishtuar, që isha dëshmitar i kësaj beteje. Le t'i prehet shpirti në paqe!", ka shkruar Murati në faqen e tij në rrjetin social "Facebook".