Ze Maria: Në Shqipëri ndihem mirë, Ançeloti trajner fitues
Trajneri i Tiranës ka folur për "Tuttomercatoëeb, duke i bërë një skaneri të ardhmes së tij, por edhe ngjarjeve të fundit në futbollin europian. Braziliani Ze Maria ka folur për objektivat e tij për t'u kthyer në Itali apo një koment për Ançelotin.
Kthimi në Itali - "Në të kaluarën kam bërë gabime, por mund të them se jam mirë në Shqipëri. Jam i kënaqur. Kam qenë dhe në Kenia, por tani ndodhem në Tiranë dhe jemi rikthyer në Ligën e Parë. Në të ardhmen, nëse do të kisha një ofertë të mirë në Itali, do të më bëhej qejfi. Pas Brazilit, Italia është shtëpia ime". Komenti për Serinë A - "Ishte një kampionat interesant. Napoli ishte një ekip i mirë, por më pas e humbi kampionatin. Them se tifozët janë dëfryer. Kam parë një garë konkurruese. Shpresoj të zhvillohet një kampionat si ky i fundit edhe vitin e ardhshëm". Ançeloti në Napoli - "E kam pasur te Parma. Është një mik i mirë, trajner dhe person i madh. Ai ka fituar kudo dhe ka përvojë të jashtëzakonshme. Sarri ka bërë një punë të mirë në Napoli. Karlo do të kërkojë të bëjë mirë në Europë dhe ta mbajë Napolin në vendet e para të klasifikimit".
Për Interin - "Interi ka nevojë për vazhdimësi. Unë mendoj se vitin e ardhshëm do të jetë më konkurrues. Një klub si Interi di të luftojë gjithmonë, mjafton të kujtojmë se e fitoi Ligën e Kampionëve në javën e fundit".
Për Naingolan - "Kushdo që e merr Naingolanin, duhet të dijë anët e mira dhe të këqija të tij. Cilësia nuk diskutohet. Spaleti e di këtë". Parma në Serinë A - "Unë festova për rikthimin. Tifozët dhe qyteti e meritojnë këtë. Ata tashmë janë në një marrëdhënie të mirë, i trajtojnë lojtarët me dashuri. Parma ka bërë histori në futbollin italian dhe meriton të jetë në nivele të larta", ka deklaruar trajneri i Tiranës, braziliani Ze Maria.