Zgjohet Fetel, “pole position” në pistën e Kanadasë
Gjermani optimist, britaniku duket i dorëzuar
Sebastian Fetel domi non provat kuali fikuese për Çmimin e Madh të Kanadasë dhe regjistron kështu "pole" për herë të katërt në këtë sezon, duke bërë që për herë të parë pas 17 vitesh një makinë Ferrari të niset e para në garën e Montrealit. Gjermani e mbylli kualifikuesen e tretë me një kohë të shkëlqyer 1' 10" 764, duke mbajtur pas vetes Mercedesin e Botas, që do të niset i dyti. I treti u rendit Vershtapen, që u duk në një ditë shumë të mirë me Red Bullin e tij. Ndërsa kampioni Ljuis Hamilton nuk shkoi më shumë se vendi i katërt në provat kualifikuese. Në vendin e pestë dhe të gjashtë do të nisen respektivisht Raikonen dhe Riçardo. Mbyllen kështu provat kualifikuese, që panë një Ferrari në një rritje konstante duke marrë një sukses në një pistë jo shumë fatsjellëse për ta.
Flet Fetel - Në përfundim të garës, piloti gjerman shumë i lumtur për rezultatin e arritur, u shpreh: "Të arrish një 'pole' këtu me Ferrarin ka një domethënie të veçantë, pasi është një cirkuit që mban emrin e një piloti legjendar të Ferrarit si Zhak Villnëv dhe është diçka fantastike për ne dhe tifozët. Të premten nuk isha shumë i kënaqur, ndërsa sot ( dje) ndryshova ritëm dhe jemi optimist", deklaroi Fetel.
Flet Hamilton - Pas provave, piloti britanik nuk u duk aspak i kënaqur me rezultatin e arritur, duke u shprehur kështu: "Përdorimi i motorit të vjetër nuk luajti aspak rol për mua në këto prova, problemi është se nuk arrita të përfundoj një xhiro ashtu si duhej. Ishte një ditë jo e mirë për mua dhe vendi i katërt në këtë pistë e bën disi të vështirë fitoren në garë", përfundoi Hamilton.