Ngacmoi kuzhinieren e ekipit, Argjentina kaos prej Sampaolit
"Tërmet" para Botërorit, trajneri rrezikon shkarkimin
Pak ditë nga fillimi i Botërorit, plas "bom ba" në kampin e Argjentinës dhe personazhi kryesor në këtë çështje është trajneri i skuadrës, Horge Sampaoli. Sipas një gazetari argjentinas, Gabriel Anelo, numri një i ekipit bardhekaltër, ka tentuar të abuzojë me një kuzhiniere të federatës, e cila ishte e punësuar pranë federatës dhe i shërbente ekipit. Ngjarja ka ndodhur në Buenos Aires dhe "viktima" ka dashur të denoncojë këtë fakt, por ka pasur presione të shumta nga zyrtarët e federatës që lajmi të mos publikohet. Por tani që gazetari e njoftoi, nuk përjashtohet si mundësi që Sampaoli të shkarkohet pak ditë përpara nisjes së Botërorit.
DEKLARATA- "Ka pasur një sjellje të pahijshme nga ana e trajnerit Sampaoli në zyrat e Federatës Argjentinase në drejtim të një kuzhiniereje që punon aty. Federata është duke bërë gjithçka që ky lajm të mos dalë, por me të gjithë personat që kam folur më kanë konfirmuar këtë lajm. Është diçka shumë e rrezikshme për kombëtaren dhe për Sampaolin, i cili tani ka punë me drejtësinë". Këto janë fjalët dhe akuzat e rënda që bën Anelo gjatë emisionit të tij radiofonik "Radio Mitre". Gazetari në fjalë nuk ka një raport pozitiv me lojtarët dhe me federatën, pasi në vitin 2016 ishte ai që tregoi se Laveci po tymoste hashash në grumbullimin e kombëtares. Pas këtij publiki-
mi, Anelosit i ndaluan hyrjen në zyrat e federatës dhe vetë lojtarët vendosën që të kishin heshtje për shtyp.
RREZIKU- Kjo akuzë e re nga gazetari është shumë më e rëndë dhe mund të shkaktojë "tërmet" në kombëtaren e Argjentinës. Filtrojnë lajmet se presidenti aktual i Federatës Argjentinase po mendon seriozisht
për ta zëvendësuar trajnerin përpara sesa skuadra e tij të debutojë në Botëror. E sigurt është që kjo situatë nuk e ndihmon aspak Argjentinën, e cila jo vetëm që nuk konsiderohet favorite në këtë kompeticion, por duhet t'i bëjë llogaritë me dëmtimet e shumta nga dita në ditë dhe me skandalin mbi trajnerin.