Boban: Ishte i denjë për Milanin apo Barcelonën

"Nuk kam luajtur me të, shpresoj ta bëj në botën tjetër"

Kosova ishte në ditë zie. Dje u përcoll drejt banesës së fundit një njeri që la gjurmë në futbollin e Kosovës apo edhe të ish- Jugosllavisë. Prishtina u bë edhe një herë epiqendër që bashkoi figurat e futbollit mbarëbotëror dhe jo vetëm, pasi një legjendë u nda nga jeta. Ndër figurat e politikës, sportit, kulturës dhe artit, për t'i bërë nderimet e fundit njeriut që shkëlqeu si futbollist në ish-Jugosllavi ishte edhe një ish-legjendë e Milanit si Zvonimir Boban. LAMTUMIRA

Vokrri pati kontributin kryesor për futbollin e Kosovës, që hodhi hapin më të rëndësishëm deri më tani, njohjen në organizmat europianë dhe botërorë të futbollit. Në nderimet për ish-presidentin e Federatës së Futbollit të Kosovës ka qenë edhe një tjetër legjendë e futbollit të ishJugosllavisë, Zvonimir Boban. Në rolin e zëvendëssekretarit të Përgjithshëm të FIFA-s, ishmesfushori u shpreh me superlativa për Vokrrin si ishfutbollist dhe si ish-drejtues i FFK-së. "Kemi ardhur për Fadilin, një legjendë e vërtetë e futbollit

jugosllav. Normalisht që përcjell ngushëllimet edhe të presidentit Ceferin. Kemi ardhur për t'i shprehur ngushëllimet tona popullit të Kosovës për humbjen e një figure të madhe. Nuk kemi luajtur bashkë, por nëse nuk do të ishin rregullat e asaj kohe në

Jugosllavi, Vokrri mund të kishte luajtur pa dyshim për Milanin apo Barcelonën. Ishte një emër i madh që sillej thjesht dhe kjo na ka bërë që të ishim më pranë tij. Shpresoj të luaj futboll me të në botën tjetër", ka deklaruar Boban për "SuperSport".