Kosova në këmbë për lamtumirën e Fadil Vokrrit
Homazhe nga politikanë dhe përfaqësues të futbollit botëror
TUJANI
Kosova dhe futbolli mbarëshqiptar humbi një futbollist dhe një njeri të madh. Fadil Vokrri është përcjellë në banesën e fundit dje në Dragodan, te varrezat e qytetit të Prishtinës. Ish- presidenti i Federatës së Futbollit të Kosovës u përcoll nën një ceremoni shtetërore, ku autoritete të larta të shtetit të Kosovës, të futbollit europian dhe botëror, kryen homazhe në nder të tij. Ceremonia
Me mijëra njerëz u mblodhën dje në Kuvendin e Kosovës për të bërë nderimet e fundit për legjendën e sportit të Kosovës, Fadil Vokrri. Ceremonia shtetërore e homazheve në nder të tij nisi para orës 12. Të pranishëm ishin një numër i madh i figurave politike, kulturore, sportive. Pati trajnerë, futbollistë e bashkëlojtarë të sulmuesit më të mirë në histori të futbollit të Kosovës. Të pranishëm ishin gjithashtu edhe figura nga FIFA, ku si përfaqësues ishte zëvendëssekretari i përgjithshëm i saj, kroati Zvonimir Boban. Gjithashtu, i pranishëm në homazhe ishte edhe Zoran Lakoviç, zyrtar i UEFAOLSI s.
Mbledhja Në orën 14:00 të mesditës së djeshme ka nisur edhe një mbledhje 'in memoriam' në Kuvendin e Kosovës. Kreu Kadri Veseli, kryeministri Ramush Haradinaj apo edhe kreu i FSHF- së, Armand Duka, mbajtën nga një fjalim përkujtimor në nder të Vokrrit. Fjalëpak, por emocional ishte i biri i legjendës Vokrri, Gramozi, që përloti të pranishmit. Gjithashtu, i ndjerë ishte edhe fjalimi i sekretarit të përgjithshëm të FFK- së, Eroll Salihut. Të pranishëm gjatë gjithë ceremonisë kanë qenë miq, dashamirës, bashkëlojtarë, tifozë delegacione edhe nga federata e futbollit të Serbisë, nga politika në Kosovë, por mbi të gjitha edhe familjarët e afërm të Vokrrit, bashkëshortja Edita dhe tre fëmijët, Gramozi, Alberti dhe Albana. Lamtumira
Ceremonia e varrimit për Fadil Vokrrin nisi në orën 17: 00. Sipas protokollit shtetëror, përcjellja për në banesën e fundit për ishlegjendën e futbollit kosovar u bë në një hapësirë, e cila do të
shndërrohet në të ardhmen edhe në një memorial për legjendën e futbollit, Fadil Vokrri. Gjatë ceremonisë së lamtumirës, si mrekulli nga qielli, u shfaq një parashutë me flamurin me shqiponjën dykrenore të Shqipërisë dhe një foto të madhe të Vokrrit.