Drita dhe Prishtina mësojnë sot kundërshtarët në Europë
Kampionët e Kosovës debutojnë në Gjilbrartar
Klubet kosovare mbajnë frymën, sot mësojnë rivalët për turin paraeliminator të Ligës së Kampioneve dhe Ligës së Europës. Drita e Gjilanit, pasi e fitoi titullin e kampionit të Kosovës, në bazë të formatit të ri të kualifikimeve, do të luajë me kampionët e tri shteteve tjera për të nxjerrin fituesin që do të vijojë garën në turin e parë. Turneu i kampionëve të Gjibraltarit, San Marinos, Andorrës dhe Kosovës do të zhvillohet në Gjibraltar. Dy prej tre kundërshtarëve të Dritës tashmë janë të ditur. Andorrën në këtë turne do ta përfaqësojë ekipi Santa Koloma, kurse kampion i shtetit vendës, Gjibraltarit, është Linkoln Red Imps. "Ekipet që mund të luajmë vijnë nga shtete, të cilat nuk njihen për futboll të zhvilluar, mirëpo duhet ta kemi parasysh se kanë përvojë më të madhe se ne në garat ndërkombëtare. Drita nuk do të shkojë me flamur të bardhë, por do të synojë kualifikimin", ka thënë trajneri Bekim Isufi. Ky i fundit është i shqetësuar për procedurat e pajisjes së lojtarëve me viza. "Arsyeja pse nuk mund të llogarisim transferime të reja është se nesër mbyllet afati për të aplikuar për viza, që do të thotë nuk ka kohë të mjaftueshme për ne të shfrytëzojmë rastin edhe për ndonjë përforcim". Ndërkohë, sot edhe Prishtina që merr pjesë në Ligën e Europës, do të mësojë kundërshtarin. Skuadra e Mirel Josës mund të ballafaqohet me klube si Birkirkara (Maltë), Trakai (Lituani), Europa ( Gjibraltar), B36 Torshavn ( Ishujt Faroe), Folgore ( San Marino), Bala Toun (Uells) dhe Gzira Junajtid (Maltë).