Reali trondit Spanjën, firmos me Lopeteguin
Është zyrtare, lajmi mund të shpërqendrojë "Furitë e Kuqe" E bindi Perez, spanjolli do firmosë deri në 2021-shin
Ka marrë fund dile ma e Realit të Madridit për të gjetur pasuesin e Zinedine Zidan, i cili dha dorëheqjen pak ditë pas triumfit për herë të tretë radhazi në Champions Ligë. Presidenti Florentino Perez ka vendosur: pas ditësh me radhë në kërkim të një pasardhësi të "Zizu"-së në stolin e "Los Blancos", ka arritur akordin me trajnerin e kombëtares spanjolle, Hulen Lopetegui. Zyrtarizimi i zgjedhjes u bë në profilin "Twitter" të madrilenëve, i cili do të ulet në stolin madrilen menjëherë pas përfundimit të kampionatit botëror "Rusi 2018".
SURPRIZË - Lajmërimi i ka zënë të gjithë në befasi. Mbi të gjitha sepse me nisjen e Kupës së Botës një shpallje e tillë mund të shpërqendrojë kombëtaren spanjolle, një nga pretendentet për të qenë (e pse jo, për të fituar) në finalen e Moskës. Së dyti sepse, pavarësisht sondazheve të shumta të kryera gjatë ditëve të fundit ku përfshiheshin Lëv, Klop, Guti, Raul, Poçetino, Sarri, Konte, Alegri ( ishin thuajse 17 emra), Lopetegui nuk kishte dalë kurrë në skenë. E ndoshta rinovimi i disa kohëve më parë me federatën spanjolle për dy vite të tjera e përjashtonte nga gara. Megjithatë, telefonata e Perezit duket të ketë qenë bindëse, duke vendosur t'i paguajë 2 milionë euro të klauzolës së parashikuar nga kontrata me Spanjën. Së shpejti do
njihen detajet e akordit, për momentin dihet vetëm që Lopetegui do firmosë një kontratë deri në 2021-shin.
RIKTHIM - Për trajnerin do jetë një rikthim: 51-vjeçari ka drejtuar të gjitha skuadrat e moshave të kombëtares spanjolle, ndërsa ka qenë trajner
edhe i Real Madrid B, në sezonin 2008-2009 (fillimisht ka qenë edhe portier i tretë, në sezonin 1989-' 90). Kulmi i karrierës së tij si trajner klubesh ishte drejtimi i Portos në sezonet 2014- 2016, ndërsa më pas u ul në stolin e "Furive të Kuqe".