Alarmohet Anglia, në Rusi më nxehtë se në Sahara
Por në Vollgograd, temperaturat arrijnë deri në 33 gradë celsius
Anglia mund të për ballet temperatura ekstremisht të larta kur të transferohet në bazën e saj të Vollgograd për ndeshjen parë të Botërorit. Skuadra e Garet Sauthgejtit mbërriti në fshatin Repino ( Shën Pjetërburg) ditën e djeshme, pranë kufirit me Finlandën, me temperatura që pritet të jenë 15 gradë sot, kur skuadra të kryejë seancën e parë stërvitore në Rusi. Por ata do të udhëtojnë më shumë se 1 mijë milje në jug të Vollgogradit për ndeshjen e parë në grup kundër Tunizisë të hënën, ku temperaturat pritet që të shkojnë deri në 33 gradë celsius në fund të kësaj jave. Anglia kishte menduar ta vendoste bazën e saj në Soçi, por trajneri Sauthgejt mendonte se ishte shumë nxehtë kur e vizitoi qytetin që organizoi Lojërat Olimpike Dimërore në vitin 2014. Për këtë arsye, ai vendosi Repinon si bazë të përgatitjes së skuadrës së tij. Vollgogradi parashikohet të jetë shumë më i nxehtë këto ditë edhe se disa vende të Afrikës Veriore.
Udhëtimi - Pas më shumë se 5 orësh udhëtim, "Boeing 757-23N" që mbante 23 "luanët" e Sauthgejtit u ul pasditen e së martës në aeroportin e Shën Pjetërburgut, për të nisur zyrtarisht aventurën e kampionëve të botës 1966 në Rusi. Kapiteni Herri Kejn ishte i pari që zbriti nga bordi i avionit dhe punonjësit e aeroportit nxituan të shkrepnin fotot e para me sulmuesin e Totenhemit. Nën masa të rrepta sigurie dhe të shoqëruar edhe me ushtarë të armatosur, skuadra u zhvendos drejt fshatit Repino, ku gjatë fazës së grupeve do të akomodohet në hotelin "ForRestMix". Debutimi i ishullorëve do të vijë ditën e hënë kundër Tunizisë. Më 24 qershor do të luajnë kundër Panamasë dhe ndaj Belgjikës katër ditë më vonë. Hoteli që Anglia ka zgjedhur është relativisht modest. Një natë qëndrimi atje kushton vetëm 122 paund dhe Sauthgejt ka vendosur fshatin e përgjumur në kufirin me Finlandën për t'i mbajtur lojtarët e tij të përqendruar. "Të drejtoj kombëtaren e Anglisë si trajner është një moment i jashtëzakonshëm krenarie", u tha ai rusëve menjëherë pasi shkeli në tokën e tyre. "Do të marr një pushim të shkurtër, të shoh përreth dhe më pas do të nisim përgatitjet sapo të mbërrijmë në hotel", shtoi trajneri i Anglisë.