Leverkuseni, “çmenduri” për Strakoshën

Presidenti i Lacios Klaudio Lotito i bën bllokadë, kërkon kohë për vendimin final

Panorama Sport (Albania) - - FAQE 1 - OLSI TUJANI

Nuk është më sur prizë, por fakt: Thomas Strakosha është një ndër portierët më të mirë në Itali. Krahas deklaratave, komenteve, vlerësimeve dhe çfarë është përmendur për shqiptarin në mediat italiane deri më tani, së fundmi emri i tij është ndër më të përmendurit në merkaton e transferimeve. Dje, mediat italiane kanë bërë me dije çmendurinë nga Gjermania, ku Bajer Leverkusen ka ofruar 30 milionë euro. OFERTA

"Corriere dello Sport" ka bërë me dije interesimin konkret nga Gjermania për portierin shqiptar. Plot 30 milionë euro ka qenë shifra që iu është propozuar drejtuesve të skuadrës kryeqytetase në Itali, për gardianin e Kombëtares Shqiptare. Thomas Strakosha është transferuar te Lacio për vetëm 75000 euro dhe aktualisht vlera e tij në treg vlerësohet e shumëfishuar disa herë më shumë. Për një ofertë të ngjashme është lakuar edhe skuadra e Liverpulit, si e gatshme për ta ofruar, por duket se skuadra gjermane është treguar më e shpejtë dhe konkrete në veprime. PËRGJIGJJA

Në vijim të raportimit, "Corriere dello Sport" bën me dije se presidenti Lotito ka ngritur një "mur". Drejtuesit e bardhekaltërve, në shenjë refuzimi paraprak, kanë kërkuar më tepër kohë për të dhënë përgjigjen zyrtare. Nga ajo që bëhet me dije, Lacio nuk do të nxitohet që në ofertën e parë

për të dhënë dritën jeshile për largimin. Më tej, cilësohet që edhe familja e gardianit kuqezi është dakord për këtë transferim. Është vetëm fillimi i merkatos dhe duket që për gardianin kuqezi do të ketë të reja.

Newspapers in Albanian

Newspapers from Albania

© PressReader. All rights reserved.