Rënar: Duhet më shumë për ta destabilizuar Spanjën
Trajneri i Marokut e studion Iranin prej 6 muajsh
Për Hërve Rënar është një krenari momenti i debutimit në Botëror në stolin e Marokut. "Është një nder të jem në këtë Kupë Bote. Do të ketë shumë tifozë marokenë në stadium nesër (sot) dhe ky është një motivim plus. Duhet ta përballojmë këtë ndeshje me maksimumin e intensitetit", ishin fjalët e para të trajnerit francez në konferencën për shtyp përpara sfidës me Iranin. Por a ishte skenari më i mirë i mundshëm për skuadrën e tij, shmangia e Spanjës dhe Portugalisë në ndeshjen debutuese? "Për ne është e thjesht. Kemi tre skuadra në grup sipër nesh në renditjen e FIFA- s. E kemi përgatitur ndeshjen kundër Iranit njëlloj siç do të bëjmë me Portugalinë apo Spanjën. Asnjë nga këto rivale nuk është më pak e rëndësishme. Të gjithë do të kërkojnë fitoren. E kemi analizuar Iranin prej 6 muajsh, që kur mësuam se do të jetë rivali ynë". Por a e shikon eksperti i kombëtareve afrikane problem largimin e Lopeteguit nga stoli i Spanjës pak orë përpara debutimit në Botëror? "Kur një skuadër ka talent, mund të ketë probleme vetëm për disa orë. Lojtarët janë shumë profesionistë dhe të nivelit të lartë. Duhet shumë më tepër për të destabilizuar Spanjën". BENATIA - Ndërsa Mehdi Benatia tregon emocionet e debutimit të tij në një Botëror. "Është diçka - Maroku nuk humbet prej më shumë se 1 viti (18 ndeshje: 14 fitore, 4 barazime). Shumica e këtyre fitoreve janë arritur ndaj ekipeve shumë të forta, si Egjipti, Koreja e Jugut dhe Serbia. - Irani ka fituar vetëm 1 ndeshje nga 12 (3 barazime, 8 humbje) në Botëror. Por ata shkëlqyen në kualifikuese, duke pësuar vetëm 2 gola në 10 ndeshje. - Irani dhe Maroku do ndeshen për herë të parë. Irani i ka barazuar dy ndeshjet e mëparshme të Botërorit ndaj rivaleve afrikane, ndërsa Maroku ka humbur një herë ndaj një rivali aziatik.
krejtësisht e jashtëzakonshme, një ëndërr e bërë realitet. Ka shumë punë pas këtij kualifikimi. Jemi këtu pas 20 vitesh dhe është diçka e mrekullueshme. Do të ndihemi si në shtëpi në Rusi, sepse shumë tifozë do të vijnë nga Maroku. Duhet ta shijojmë këtë moment të shkëlqyer", tha mbrojtësi i Juventusit.