Banega ia del, gati për Islandën

Ever Banega është riaftësuar dhe do të jetë i gatshëm për ndeshjen hapëse në Rusi 2018. Mesfushori i Sevijas i është bashkuar për herë të parë grupit gjatë stërvitjes së djeshme dhe do të jetë një alternativë e gatshme për trajnerin që në sfidën e parë ndaj Islandës. Madje, gjatë provave për formacionin, Banega në disa raste është rreshtuar edhe me 11-shen që pritet të startojë nga minuta e parë. Pas lajmit të mirë për Banegën, dje ka shfaqur shqetësime Markos Roho, por pa asnjë rrezik mosaktivizimi në ndeshjen e parë në këtë edicion.