Rashford, sërish pa stërvitje

Markus Rashford ka munguar sërish në stërvitjen e Anglisë. Për të ishte e dyta ditë radhazi që nuk iu bashkua grupit në kampin stërvitor. 20-vjeçari u la që të punonte me disa ushtrime individuale në palestrën e hotelit të skuadrës. Megjithatë, vetë futbollisti qetëson dhe njofton se do të jetë i gatshëm: "Nuk ka asgjë për t'u shqetësuar. Ju falënderoj të gjithëve për interesimin". Pjesa tjetër e skuadrës ka vijuar përgatitjet nën drejtimin e Sauthgejt.