"Naingolan do të shkojë tek Interi"
Raxha Naingolan, megjithëse nuk u grumbullua te Belgjika për Botërorin rus, ka ende shumë admirues rrotull që do të bënin çmenduri për ta pasur në skuadër. Një prej tyre është Luçiano Spaleti, i cili e ka vendosur mesfushorin në majën e listës së dëshirave për merkaton. Në ndihmë të zikaltërve, me sa duket, ka ardhur presidenti i Romës Xhejms Palota, i cili, megjithëse vazhdon të pretendojë 40 milionë euro për belgun, ka zbuluar destinacionin e ri të mesfushorit. Duke folur për "Sportmediaset" numri 1 i verdhekuqve sqaroi se: "Raxha mund të ketë shumë oferta, por nuk besoj se do ta bindë ndokush. Me sa kam kuptuar, ai do të shkojë tek Interi së shpejti".