Luftëtari hap merkaton, firmosin tre lojtarë

Pritet boshnjaku Janiçiç, "blindohet" mbrojtja

Panorama Sport (Albania) - - 18 - TOMOR SHEHU

lubi i Luftëtarit ka hapur zyrtarisht merkaton duke konfirmuar kontratat e dy lojtarëve, pikërisht portierit zviceran me origjinë kroate, Hrvoje Bukovski, si dhe sulmuesit të ri shqiptar që ka luajtur në Greqi dhe Sllovaki, Romario Çekaj. "Panorama Sport" ka siguruar fotot e prezantimit në ambientet e klubit gjirokastrit. 20- vjeçari Çekaj ka firmosur një kontratë afatgjatë dhe shihet si zëvendësuesi ideal i Kristal Abazajt, ndërsa 26-vjeçari Bukovski nënshkroi për dy sezone. Portieri vjen pas eksperiencave në Zvicër dhe Gjermani, ndërsa Çekaj ka luajtur me Iraklis në Greqi dhe Slavoj Trebisov në Sllovaki.

BOSHNJAKU - Pas konfirmimit të portierit kroatozviceran, Hrvoje Bukovski, si dhe sulmuesit shqiptar, Romario Cekaj, sot pritet të firmosë një tjetër lojtar. "Panorama Sport" zbulon ekskluzivisht edhe goditjen të tretë të orëve të fundit të klubit gjirokastrit. Presidenti Grigor Tavo ka arritur marrëveshjen me një prej qendërmbrojtësve më të mirë të kampionatit boshnjak në sezonin 2017- 2018. Bëhet fjalë për Nemanja Janiçiç, i cili vjen nga klubi i famshëm boshnjak, Borac Banja Luka, që mbylli kampionatin në vendin e tretë dhe siguroi pjesëmarrjen në Ligën e Europës. Për drejtuesit gjirokastritë, duke parë edhe CV-në e lojtarit, e për më tepër faktin që ai ka qenë një titullar i padiskutueshëm në çdo skuadër ku ka luajtur, konsiderohet si goditja më e madhe për të kompletuar mbrojtjen. 31-vjeçari Janiçiç ka luajtur në Superligën serbe me ekipe si Bezanija, Napredak Krusevac ( kampion në sezonin 2012-2013) dhe Borac Çaçak. Në fillimet e karrierës ka luajtur për dy sezone në Mal të Zi me Mogrenin. Në vitet 20152016 ka luajtur në Uzbekistan me Lokomotiv Tashkent, duke u shpallur kampion. Janiçiç ka eksperiencë edhe në ndeshjet ndërkombëtare, duke luajtur si në Ligën e Kampioneve, ashtu edhe në Ligën e Europës. Dje në mbrëmje, boshnjaku i lindur në Banja Luka mbërriti në Tiranë dhe sot firmos zyrtarisht për Luftëtarin. Për herë të parë, skuadra gjirokastrite do të marrë pjesë në Kupat e Eruopës. Luftëtari pret që të njihet me kundërshtarin e tij në Ligën e Europës në shortin që do të hidhet në datën 19 qershor. Gjirokastritët bënë një sezon shumë të mirë duke e mbyllur kampionatin në vendin e tretë dhe në këtë mënyrë fituan të drejtën të luajnë në Europë.

Newspapers in Albanian

Newspapers from Albania

© PressReader. All rights reserved.