Fushaj tjetër “mesazh”: Vllaznia, gropë financiare
“Borxhet janë pengesë, privatizimi nuk është i lehtë”
sh-avokati i Vllaznisë, Apollon Haxhi, në ko hën kur këtë klub e drejtonte ish- presidenti Valter Fushaj, është i mendimit se privatizimi i klubit kërkon edhe disa muaj. Duket se ai është në sinkron me kryebashkiaken e Shkodrës, Voltana Ademi, e cila në një mënyrë apo në një tjetër e theksoi faktin se edhe këtë sezon klubi do të udhëhiqet nga bashkia. Haxhi është i mendimit se privatizimi mund të mos mbyllet edhe brenda vitit 2018. "Praktikat e privatizimit janë të tilla që nuk mund të mbyllen as brenda vitit 2018. Me ato borxhe që ka klubi dhe me atë shumë që u nxor si dysheme për shitjen, është legjitimuar falimentimi. Pas kësaj vijnë edhe të tjera gjëra me radhë. Pavarësisht se është nxjerrë shuma që do të nisë ankandi, ka edhe shumë faktorë të tjerë që do të ndikojnë gjatë rrugës. Bashkia do të mbajë një pjesë të vetën të aksioneve të klubit. Nuk e shikoj si një gjë të thjeshtë kalimin e klubit në duart e privatit dhe për më tepër një privatizim apo, e thënë ndryshe, shitje të aksioneve shpejt. Janë shumë procedura për të mbërritur aty ku ne e presim të gjithë, shitjen e aksioneve dhe kalimin e klubit në duart e privatit. Për këtë e shikoj të vështirë edhe periudhën që Vllaznia do të jetë në Kategorinë e Parë", është shprehur fillimisht Haxhi në prononcimin e tij.
BORXHET - Një tjetër problem që, sipas Haxhit, është evident dhe tepër shqetësues për të afruar investitorë e për të blerë aksionet e Vllaznisë, janë edhe borxhet e mëdha që ka klubi. Pavarësisht se në rekomandimet e
grupit të ekspertëve është lënë që borxhet të likuidohen nga bashkia, ende nuk është e saktësuar një gjë e tillë. "Vllaznia ka një gropë të madhe financiare dhe për këtë nuk është e lehtë që të kryhen edhe shumë procedura të tjera. Pavarësisht se grupi i ekspertëve rekomandon
që borxhet të paguhen nga bashkia, se sa do të jetë e mundur kjo, mbetet një pikë që duhet parë. Kjo mund të jetë një tjetër pengesë. Unë e shikoj të vështirë edhe privatizimin, pavarësisht se dëshira e drejtuesve të bashkisë është që ta lëshojnë sa më parë klubin", deklaroi avokati Apollon Haxhi në prononcimin e tij. Pak ditë më parë, raporti i ekspertëve vlerësonte se Vllaznia duhej të dilte në ankand me një shifër jo më pak se 507 milionë lekë të vjetër. Duhet thënë se klubi Vllaznia ka 1 miliard e gjysmë lekë borxhe.
CANKA