Drejtuesit joshin Krymin

Te Vllaznia nis indirekt puna për të bërë të mundur që të mbajë një pjesë prej lojtarëve të saj. Pas largimit të Kalasë e Çinarit, duket se drejtuesit po kërkojnë të bëjnë të mundur që të mos kenë shumë rrjedhje nga skuadra. Ardit Krymi, mesfushori i ekipit tonë Shpresa, është njëri prej tyre. Ai ka oferta nga kryeqyteti nga dy skuadrat, Partizani e Tirana, por edhe nga Teuta, por gjithsesi drejtuesit po mundohen që ta mbajnë atë në skuadër. Drejtuesit, me sa mësohet, kanë nisur punën për ta mbajtur këtë lojtar. Nuk përjashtohet mundësia që një prej premtimeve që mund t'i bëhet këtij lojtari është edhe mbajtja e shiritit të kapitenit.