Orikumi e nis me stadiumin, drejtuesit mendojnë për merkaton
Orikumi po bëhet gati për pjesëmarrjen për herë të parë në kampionatin e Kategorisë së Parë në sezonin e ardhshëm. Skuadra bregdetare synon që të bëjë një paraqitje të mirë dhe të mos e diskutojë mbijetesën. Drejtuesit kanë nisur menjëherë nga puna për ndërhyrje në fushën sportive me qëllim për të përmbushur ato kërkesa që janë lënë detyrë nga FSHF. Edhe pse me temperatura shumë të larta, vazhdojnë punimet intensive në fushën sportive. Në tribunë do të vendosen 250 stola, por me kalimin e javëve mund të shtohen edhe më shumë. Gjithashtu, do të ndërhyhet edhe në ambientet e brendshme, që stadiumi të jetë gati në shtator kur do të nisë kampionati. Ndërkaq, për sa u përket lojtarëve, ende nuk ka asnjë emër konkret që të diskutohet. Pritet që në korrik të nisë puna për afrimin e futbollistëve. Olsen Llambro