Ajazi larg Shkumbinit: Do zgjedh ofertën më të mirë

Rënia e skuadrës së Shkumbinit në Kategorinë e Dytë ka bërë që pjesa kryesore e titullarëve të shikojnë opsione të tjera për të ardhmen, duke e parë veten e tyre larg Peqinit. Një prej tyre është edhe gardiani Selami Ajazi, i cili pohon se ka pasur dy oferta, një nga Superiorja dhe një tjetër nga Kategoria e Parë. "Jam i detyruar për arsye financiare që të kërkoj një skuadër të re për të vazhduar karrierën për sezonin e ardhshëm. Megjithëse është akoma herët, personalisht kam pasur dy oferta nga ekipe të kategorive të ndryshme, të cilat i kam vlerësuar. Megjithatë, nuk dua të nxitohem pasi dua të sigurohem për aspektin financiar, sepse kjo çështje ka qenë si 'thembra e Akilit' gjatë sezoneve të fundit. Jam në pritje edhe të ofertave të tjera, që mund të ketë në adresën time dhe më pas do të zgjedh", pohoi Ajazi. Fatmir Ahmeti