Kejn bomberi i Botërorit, tripletë për... Dua Lipën

“I treti, goli më me fat në karrierë, besojmë deri në fund”

nglia mori një fitore "tenistike" ndaj Pan amasë, në ndeshjen e dytë të Grupit G, duke siguruar edhe kalimin në fazën tjetër. Kapiteni Herri Kejn u shpall njeriu i ndeshjes dhe me tripletën e tij mori topin në shtëpi, por bëhet edhe golashënuesi më i mirë i Botërorit deri tani. Kejn ka shënuar 5 gola në dy takimet e luajtura, dy ndaj Tunizisë dhe 3 ndaj Panamasë, duke lënë pas Kristiano Ronaldon dhe Romelo Lukakun me 4 gola. Sulmuesi i Totenhemit bëhet lojtari i tretë për kombëtaren e Anglisë që shënon tripletë në Kupën e Botës, ku më parë e kishin arritur Hërst në 1966-ën dhe Lineker në Botërorin e 1986-ës ndaj Polonisë. Kejn bëhet lojtari i parë që shënon në dy ndeshjet hapëse për Anglinë në Kupën e Botës dhe i dyti në botë, pas Latos së Polonisë në Botërorin e 1974-ës. Pas ndeshjes kapiteni i Anglisë nuk e ka fshehur gëzimin për arritjen e ekipit, si dhe për paraqitjen personale. "Fantastike. Jam shumë krenar për shokët e ekipit. Ne po shijojmë Botërorin. Ne jemi përgatitur në çdo detaj, por edhe si ekip dhe si rezultat i kësaj po

vjen edhe loja. Është fantastike që vazhdojmë më tej, por më e shkëlqyer është rruga që e kemi realizuar. Tifozët kanë qenë të mrekullueshëm, të dy palët kanë qenë "fair", pasi kështu duhet të jetë Kupa e Botës. Duhet ta shijojmë këtë Botëror dhe duhet të vazhdojmë në këtë rrugë e të ecim sa më gjatë. Ne

besojmë shumë në ecurinë tonë, ndonëse na pret një rrugë e gjatë. Duhet të punojmë fort dhe të zbatojmë planin tonë në çdo ndeshje. Edhe ndaj Belgjikës do të hyjmë në fushë për fitore, por të shikojmë se çfarë do të ndodhë", u shpreh Herri Kejn në konferencën pas ndeshjes.

GOLI ME FAT- Kapiteni mund të kishte shënuar më shumë se tre gola, nëse trajneri Sauthgejt nuk do ta zëvendësonte. Për golin e tretë personal dhe të gjashtin për Anglinë, Kejn u shpreh: "Goli i tretë është një nga golat më me fat në karrierën time. Por, si sulmues duhet të tregosh veten e të shënosh në çdo mënyrë, ndonëse disa herë nuk ia del. Shpresoj që ky fat të më ndjekë edhe në vazhdim".

DUA LIPA- Gjatë konferencës Kejn është gjendur i befasuar nga pyetja e një gazetari të një televizioni brazilian, i cili kërkon të dijë se çfarë kënge do të donte të dëgjonte pas tripletës. "Nuk isha përgatitur për këtë pyetje... "One Kiss" nga Kalvin Harris dhe shqiptares Dua Lipa", u përgjigj kapiteni i Anglisë.

LINGARD - "Ndihem i mrekulluar, aq më shumë nga fitorja që arritëm. Kryesojmë grupin dhe shkojmë me besim drejt ndeshjes me Belgjikën. Ndihesh mirë kur je i rrethuar nga shokët. Momentalisht po shfaqim një shpirt të lartë si ekip. Besojmë shumë se mund t'i shkojmë deri në fund këtij Botërori, pasi skuadra ka treguar konfidencë, por duhet t'i marrim ndeshjet me radhë", u shpreh Lingrad, autori i golit të tretë, pas fitores me Panamanë.