Spanja, leksione nga... Kroacia
Sot, Spanjë-Marok# $ierro S'jemi kualifikuar ende, prandaj mos prisni goleadë
Spanja do të luajë sot ndeshjen e tretë dhe të fundit në fazën e grupeve kundër Marokut me dy objektiva: më shumë qëndrueshmëri në mbrojtje dhe më shumë lëvizshmëri në sulm. Këto janë dy aspektet ku duhet të përmirësohet një kombëtare që pësoi tre gola kundër Portugalisë dhe rrezikoi shumë me Iranin. "Ajo që më shqetëson nga ndeshja është Ronaldo që bëri 3 gola", tha Hierro pas ndeshjes me Portugalinë. Dhe një gol në Botëror është si një minierë ari, sepse të siguron kualifikimin. Ai u ka kërkuar dy mesfushorëve David Silva dhe Isko që të "kopjojnë" dy kroatët Luka Modriç dhe Ivan Rakitiç. Trajneri e di që lojtarët e tij kanë teknikë, por duhet që të ndihmojnë më shumë ekipin në mbrojtje dhe të luftojnë ashtu siç bëjnë kroatët. Ai i ka marrë shembull ata të dy gjatë analizës dhe janë pikërisht këto karakteristika që duhet të kenë futbollistët e tij: më shumë grintë, më shumë luftë për topin e parë dhe më shumë duele në zona të ngushta. Diçka e tillë, sipas tij, do të ndihmojë shumë fazën mbrojtëse në ndeshjet e ardhshme që do të jenë më të vështira.
HIERRO- Por, trajneri Hierro e mohoi diçka të tillë në konferencën për shtyp dhe tha se Spanja nuk ka nevojë
për "muskuj" në mesfushë. "Fusha është në gjendje të mirë. Besoj që do të përmirësohet për ndeshjen. Goleadë? Nuk e mendoj aspak këtë. Kam respekt për Marokun dhe ne do të zbresim në fushën e lojës vetëm për të marrë 3 pikët. Nuk duhet të mendojmë
për asgjë tjetër. Muskuj? Nuk është për ne kjo gjë. Muskujt duhet t'i përdorin ekipet e tjera. Ne kemi klasin si armën tonë të fortë", ka thënë trajneri i Spanjës në konferencë. Ai nuk dha asnjë informacion mbi lojtarët që do të zbresin në fushën e lojës, por tha se të
qenit të parët në grup është një detyrim dhe do të tentojnë të bëjnë gjithçka për ta arritur atë. "Matematikisht nuk jemi kualifikuar ende, kështu që duhet të mendojmë për këtë fillimisht. Por, vendi i parë është diçka pozitive", përfundoi Hierro.