“Drejtuesit e Lushnjës, të paaftë”
"Më mashtruan në janar, më mirë lë futbollin sesa të rikthehem tek ajo skuadër"
Futbollistët lushnjarë që luajnë në ekipe të tjera kanë kthyer sytë nga klubi "mëmë". Lushnja qëndroi vetëm një vit në Superiore dhe tashmë do të luajë sërish në Kategorinë e Parë. Kujtojmë se janë shumë futbollistë lushnjarë të shpërndarë në ekipet e së Parës që tashmë mund të luajnë për skuadrën e vendlindjes. Por, duket se jo të gjithë lojtarët janë të gatshëm që të luajnë për këtë fanellë. Madje, një prej tyre, ish-sulmuesi i Lushnjës, Arbër Allkanjari, ka lëshuar akuza ndaj drejtuesve të klubit. Lojtari e mbylli kampionatin te Naftëtari, ndërsa akuzon lushnjarët si të paaftë për të drejtuar klubin.
Sulmuesi tregon se si u gënjye në janar kur iu premtua se do të ishte pjesë e skuadrës, por pak orë përpara mbylljes së federimeve u la jashtë. ALLKANJARI
"Unë te Lushnja nuk e kam fare me qejf që të rikthehem.
ArbërAllkanjari dhe Mikel Canka
Do të shoh ofertat që do të më vijnë, ose do ta lë fare futbollin", është shprehur fillimisht shumë i zhgënjyer sulmuesi Allkanjari, i cili ka luajtur më parë te Lushnja. "Shkak për këtë janë drejtuesit e skuadrës që nuk dinë ta drejtojnë klubin profesionalisht. Me atë që ndodhi në janar, unë nuk kam se si ta kem me qejf rikthimin te Lushnja. Më morën nga Naftëtari për të më aktivizuar si qendërmbrojtës për nevojat e ekipit dhe tri orë para se të mbylleshin federimet më nxorën jashtë. Te Lushnja drejtohet keq dhe kjo ta prish qejfin që të kthehesh prapë aty", u shpreh sulmuesi lushnjar, Arbër Allkanjari, i cili sezonin e kaluar ishte pjesë e Naftëtarit, që ra në Kategorinë e Dytë. 29-vjeç do të mbushë sulmuesi në vjeshtën e këtij vitit. Veç Lushnjës dhe Naftëtarit, ai ka luajtur edhe për Egnatian dhe Dinamon, por tashmë ndodhet në një moment shumë të vështirë duke menduar edhe tërheqjen përfundimtare nga futbolli. Ndërkaq, Lushnja do të grumbullohet në datën 5 korrik për të nisur fazën përgatitore. Trajneri Ilir Gjyla ka bërë të ditur se do të krijohet një ekip i mirë që do të rivalizojë për t'u ngjitur në Superiore. Pritet që sezoni i ardhshëm në Kategorinë e Parë të jetë shumë i fortë. Në Grupin B do të luajnë ekipe me emër si Lushnja, Tomori, Elbasani, Apolonia, Bylis apo Pogradeci. Në këtë mënyrë, pritet një luftë shumë e fortë për vendin e parë që të ngjit në Superiore.