"Trukimet" dhe Nejmar, sa gjëra të shëmtuara
Përveç gjërave spektakolare, në një Botëror ka vend edhe për të bërë shaka. Fundja, Botërori është i të gjithëve dhe pranon gjithçka, si edhe ngjarje , apo për gafa të shëmtuara që nuk duhen përsëritur më.
Arbitrat e VAR-it
Nuk po bëjmë polemikë për vendimet, por për faktin që duket absurde që përgjegjësit e moviolës duhet të ulen, përpara një salle me monitorë të veshur me uniformën zyrtare. Kjo, me urdhër të FIFA-s, nën justifikimin se ata "djersijnë shumë nga tensioni i vendimeve".
"Trukime" miqësore Minutat finale të Japoni-Poloni dhe Danimarkë-Francë ishin reklama më e shëmtuar e pakteve mes ekipeve për të garantuar kualifikimin. Pasime boshe mes mbrojtësve apo dy skuadrave nuk shiheshin prej dy dekadash.
Pamja e Sampaolit Tërbimi për humbjen ndaj Kroacisë bëri Sampaolin të hiqte xhaketën dhe të tregonte poshtë fanellës me mëngë të shkurtra një seri tatuazhesh në krahë e duar, të denja për ultrasit më të egër argjentinas dhe jo vetëm.
Flokët e Nejmarit
Brazili nuk fitoi në debutim, sepse asnjë nuk arriti të përqendrohej. Ndoshta, ato flokë "spageti" biondë të Nejmarit thjesht kanë hipnotizuar edhe shokët e tij të kombëtares. Gjithsesi, në dy sfidat e tjera gjërat u përmirësuan dhe Brazili arriti të kualifikohet.
Festa e Batshuajit
Goli i Januzajt u shndërrua në një dhimbje për sulmuesin e Belgjikës, Batshuaji, i cili kërkoi të festojë duke marrë topin nga rrjeta dhe ta godiste fortë dhe lart, por sfera karamboli në shtyllë dhe menjëherë më pas në fytyrën e tij. Dhimbje pa fund... Gafa e portierëve
Goli që pësoi De Gea ndaj goditjes së Ronaldos, apo akoma më shumë tentativa e tmerrshme e argjentinasit Kabajero, që i dha një "asist" Rebiçit për të shënuar mund të kushtonin shtrenjtë, por sido që të jetë, tifozët kundërshtarë kishin me çfarë të shfrynin fantazinë.