Çudia e të kuqve, shkojnë për fazë aty ku nuk ka ekipe
Partizani, në vështirësi për të zhvilluar miqësore
Partizani i trajnerit Skënder Gega ndodhet në kulmin e përgatitjeve për pjesëmarrjen në Ligën e Europës, ku më 12 korrik, në orën 17:30, presin Mariborin në stadiumin "Selman Stërmasi". Përgatitjet europiane të kuqtë i kanë nisur më 16 qershor në kompleksin e FSHF-së në Kamzë, ku u përgatitën për një javë. Më pas, më 25 qershor, "demat" i zhvendosën përgatitjet në Ohër ku stafi e rriti ngarkesën, duke zhvilluar nga dy seanca në ditë. Kushtet që kanë gjetur në Ohër janë të favorshme për ekipin për zhvillimin e seancave stërvitore, por kjo zhvendosje ka brenda edhe një episod të çuditshëm. Zakonisht, për fazat intensive përgatitore zgjidhen vende, ku përveç kushteve optimale për stërvitje, të ofrojnë mundësinë për të zhvilluar edhe disa ndeshje miqësore, të cilat i shërbejnë stafit për të parë se deri ku ka arritur ekipi. Por, Partizani është i destinuar për momentin që të vuajë
organizimin e ndeshjeve miqësore, pasi ka zgjedhur për zhvillimin e minifazës përgatitore një vend ku nuk gjen dot asnjë kundërshtar për t'u provuar. Të kuqtë kanë shkuar në Ohër, ndërkohë që skuadrat maqedonase, që janë në aktivitet në këtë moment, e kanë lënë Maqedoninë
dhe përgatitjet po i kryejnë në Turqi dhe Slloveni. Ndaj, në këto kushte trajneri Skënder Gega dhe stafi i tij është i detyruar që t'i provojë të tijtë në ndeshje kontrolli brenda grupit. Një e tillë është planifikuar të zhvillohet sot dhe në mbyllje të përgatitjeve inten-
sive, mund të sigurojnë një miqësore. Edhe një vit më parë, për llogari të duelit me Botev Plovdivin, zhvilluan vetëm një miqësore, ndaj Prishtinës në stadiumin e Laçit.
Maribori- Krejt e kundërta ndodh me kundërshtarin slloven të "demave", të cilët deri
më tani kanë zhvilluar 5 ndeshje miqësore dhe sot kanë të gjashtë ndaj polakëve të Krakovias. Ja miqësoret që ka luajtur deri më tani kundërshtari europian i të kuqve: Maribor-Shmartno 100; Maribor-Kukësi 4-0; MariborVardar 3- 3; Maribor- Ural 3- 0; Maribor-Veiz 4-1.