olonia lar oi Dimon, ! jid et a iteni i ri
!"senshahaj merr shiritin pas votimit të lojtarëve
Taulant Hysenshahaj do të jetë kapiteni i ri i Apolonisë së Fierit, i zgjedhur me shumicë votash nga bashkëlojtarët e skuadrës. Duket zgjedhja e duhur, nëse do të kemi parasysh që "Tao" është nga lojtarët aktualë me kohështrirjen më të gjatë disavjeçare tek Apolonia, sezoni i gjashtë radhazi në këtë skuadër, teksa në 5 edicionet e fundit ka luajtur 7133 minuta në 78 ndeshje për bardhejeshilët. Zëvendëskapitenë do të jenë dy lojtarë të tjerë me aq përvojë, si qendërmbrojtësi Rudin Nako dhe portieri Endrit Çako, të cilët e kanë pranuar me sportivitet të plotë dhe e kanë uruar kapitenin e ri. Në fjalën e tij të parë pas "gradimit", Hysenshahaj nuk e fsheh emocionin e besimit të marrë nga shokët e skuadrës, duke u deklaruar se do japë mbi maksimumin e tij për të mirën e ekipit. "I falënderoj të gjithë shokët për besimin, duke u premtuar se do bëj më të mirën time për skuadrën. Unë jam një ndër ta, i barabartë me ta dhe të gjithë së bashku kemi një qëllim madhor: Apoloninë. Në planin personal, unë e shoh si obligim shiritin e kapitenit, si motivim për të kërkuar më shumë nga vetja, por e them sinqerisht që ndihem i barabartë me pjesën tjetër dhe nuk kam pikë egoizmi, përveç faktit që do përpiqem ta justifikoj këtë vlerësim, sigurisht me ndihmën e shokëve", thotë kapiteni i ri i Apolonisë, Taulant Hysenshahaj. Gjatë viteve të fundit, shiritin e kapitenit te skuadra fierake e mbante Amarildo Dimo. Një prej lojtarëve të sezonit të kaluar që ka marrë kartonin nga klubi, është edhe qendërmbrojtësi 24-vjeçar, Ergys Kuçi. Bujar Rama