Lojtarë kriminelë ë kanë trukuar ndeshje
Trajneri joka, më i aku uari për rënien e skuadrës
Mbledhja e djeshme e Asamblesë së Vllaznisë është shoqëruar me debate të ashpra dhe me tone të ngritura. Këshilltarët kanë akuzuar lojtarët, trajnerin Ernest Gjoka dhe ish- administratorin Astrit Gjyrezi si shkaktarët e rënies së skuadrës në Kategorinë e Parë.
AKUZAT
Më i ashpri në akuzat e tij ka qenë këshilltari Gjergj Sokoli, i cili ndër të tjera ka deklaruar: "E turpshme dhe e pafalshme ajo që bëri trajneri Ernest Gjoka që u largua nga skuadra dy javë nga fundi. Bëri denoncim në prokurori se e kishin kërcënuar, ndërsa mendoj se ai duhet të ishte sot në burg. Ndeshja me Kamzën ishte e turpshme. Trajneri Gjoka është përgjegjësi kryesor për rënien e skuadrës në Kat- egorinë e Parë. Këta lojtarë kriminelë që kanë bërë trukime. Kur ishte Armir Grima në klub rroga e trajnerit ishte 400 mijë lekë të vjetër në muaj, ndërsa tani shkoi në disa milionë", deklaroi ndër të tjera i revoltuar këshilltari Sokoli. Më tej, e ka marrë fjalën këshilltari tjetër, Gëzim Galiçi, i cili ka thënë: "Problemi i Vllaznisë është menaxherial. Bordi ka pasur përgjegjësi për këtë deficit. Edhe kryetarja e Bashkisë nuk mund të largohet nga ky deficit. Administratori dhe trajneri kanë qenë fajtorët kryesorë të rënies së skuadrës në Kategorinë e Parë. Iniciativa për privatizimin e klubit është e pritshme nga ne. Nëse ka ndonjë strategji për financat, të shprehet. Vendimmarrjet për buxhetin e lojtarëve nga kush janë bërë. Ishin më shumë 7 lojtarë me mbi 3 milionë lekë të vjetër rrogë". Ndërsa, këshilltari Fatlum Nurja, ka "gozhduar" bordin e klubit Vllaznia. Ai kërkoi llogari se pse klubi ka çdo vit 400 milionë lekë borxhe dhe pse është kërkuar çdo 6 muaj rritje e buxhetit? Pse nuk janë paguar sigurimet e futbollistëve, duke i mbajtur në të zezë ishin disa pyetje të tij. Në lidhje me detyrimet që janë shtuar për shkak të mosshlyerjes së tatim-taksave, kryetari i Bordit, Shpëtim Quku tha: "Ka pasur një lloj boshllëku edhe interpretativ të ligjeve. Sipas ligjit të Sportit dhe FSHF që janë bërë kontrata më parë, merrej vetëm tatimi mbi të ardhurat. Raporti i tatimeve është ankimuar dhe jemi në proces gjyqësor. Duhet të zbritet 40- 50 për qind të vlerës. Ndërsa, të ardhurat nga biletat janë të lidhura me performancën e ekipit".