Nejmar bën me “krahë” Brazilin, Belgjika për infarkt
“Seleçao” kualifikohet dhe parakalon Gjermaninë për golat. “O'Ney” tërbon Meksikën
Kalon Ronaldon dhe Mesin, Nejmar: Tani më shihni nga shtëpia Sulm si Napoli dhe mbrojtje si Juvja, Tite: Brazili është i frikshëm Rusia, festimet më të mëdha që nga Lufta e Dytë Botërore Anglia sytë nga Kejn, Falkao: Ndeshja e ëndrrave Franca/ Mbape si Pele, vetëm ai shkëlqente 19 vjeç
Meksika duron vetëm 25 minu ta, pastaj vjen Brazili dhe u jep fund ëndrrave të "El Tri". Nuk ka goleadë, por në këto kohëra dhe në këtë Botëror mjafton një 20 për të siguruar kualifikimin. Në këtë mënyrë, Nejmari nuk u bashkohet me pushime në Formentera yjeve të tjerë si Myler, Mesi, Ronaldo dhe Iniesta. Jo. Ai qëndron në Rusi, shënon golin vendimtar dhe jep një asist duke dërguar të tijtë në çerekfinale, e cila do të luhet të premten në Kazan në orën 20:00. Ndeshjen e vulosi Firmino në minutat e fundit dhe kjo ishte fitorja e tretë 2-0 e verdhejeshilëve që tani janë një garanci. Meksika largohet mes pengjeve që nuk shfrytëzoi dot mirë 25 minutat e para të ndeshjes.
ME DY FYTYRA- Pjesa e parë me dy fytyra për Brazilin, i cili befasohet nga skema e Meksikës me 4-1-4-1 dhe e ka të vështirë të gjejë mekanizmat e duhura për të shprehur më të mirën. Madje, është Meksika që bëhet e rrezikshme me Lozanon, Velën dhe Çiçariton. Por mungon saktësia në pasimin e fundit dhe Brazili vuan. Ose më mirë, studion kundërshtarin. Në fakt, pas minutës së 25-të futet në ndeshje Nejmar dhe shastis mbrojtjen kundërshtare. Oçoa i mohon golin atij, por ndërhyn saktë edhe ndaj Kutinjos dhe Zhezusit. Në 45 minutat e para ndeshja ishte ende 0-0, por publiku në Samara duartroket spektaklin.
LAVDI DHE AKTRIMNë pjesën e dytë Osorio ndryshon. Në fushë Lajun për Markezin, por i sapofuturi në fushë nuk luan si mesfushor, por në të djathtë. Duhet një i freskët dhe mbi të gjitha i pa ndëshkuar për të ndalur Nejmarin. Por nuk mjafton. Brazili kishte ndryshuar marsh dhe pas 6 minutash lojës gjen golin e avantazhit. Uillian depërton nga e majta dhe jep pasimin që shfrytëzohet nga Nejmar. Është pikërisht "zgjimi" i Uillianit që ndryshon lojën e Brazilit. Osorio ndryshon sërish, por është e kot. Brazili është më i qartë në strategjinë e re për të goditur kundërshtarin, por tronditet kur Kasemiro merr karton të verdhë dhe humbet çerekfinalet. Në minutat e fundit ka
kohë edhe për një "aktrim" të Nejmarit. Lajun e shkel në tentativën për t'i marrë topin, por arbitri nuk ndërhyn as me VAR duke e konsideruar një simulim veprimin e sulmuesit. Është sërish Nejmar protagonisti kur jep një pasim të bukur për Firminon, i cili i sapo futur gjen golin. Ishte goli i 228 i historisë së Brazilit në Botëror, që bëhet kombëtarja me më shumë gola në këtë kompeticion duke kaluar Gjermaninë (226). Meksika provoi të përhapte panik në mbrojtje, por kur ke përpara Tiago Silvën, Mirandën dhe Alisonin është e vështirë të gjesh rrjetën. Në fërshëllimën e trefishtë të gjyqtarit Roki nis samba...