Kukësi sfilitet në aeroport, Pakult: Gati për Champions
"Jam i kënaqur nga merkato, herët për të thënë kush jemi"
Trajneri austriak i Kukësit, Peter Pa kult, është shprehur për faqen e klubit në lidhje me situatën aktuale të ekipit. Pas 17 ditëve fazë përgatitore në Slloveni, tekniku ka vendosur notën për këtë periudhë stërvitore. 58-vjeçari ka bërë një vlerësim të përgjithshëm, sidomos për anën fizike, pasi për atë pjesë është punuar më shumë, duke marrë parasysh dhe ardhjen e përgatitësit atletik, Kristian Kranestrini. Ndërsa, këtë periudhë përgatitore në Tiranë, para ndeshjes me Valetën, stafi teknik pritet të intensifikojë punën në anën taktike. Por, austriakut i duhet më tepër kohë për të thënë përfundimisht nëse ekipi është përmirësuar nga një sezon më parë, si dhe mund të parashikohet edhe një miqësore e fundit para ndeshjes me Valetën.
FAZA PËRGATITORESa i përket punës së kryer në Slloveni, trajneri Pakult u shpreh: "Çdo gjë ka qenë në rregull, si hoteli dhe gjithë të tjerat. Kemi pasur pak problem distancën nga hoteli për te stërvitja, por nga ana morale dhe ushtrimet e lojtarëve kanë qenë shumë mirë. Kemi punuar më shumë në fazën fizike për të qenë fizikisht në rregull dhe kur të kthehemi në Shqipëri do t'i japim përparësi taktikës. Momentalisht, nuk mund të themi akoma nëse ekipi është përmirësuar apo jo, këtë do na e tregojnë ndeshjet e ardhshme".
MERKATO- Kukësi ka bërë 12 afrime deri tani, nga të cilat edhe lojtarë të spikatur si Çyrbja, Plaku, Shpehar, Herba, Qaqi etj, të cilët sipas trajnerit do të bëjnë shumë mirë për konkurrencën brenda ekipit. "Jam i kënaqur me afrimet në skuadër, pasi është shtuar konkurrenca dhe kjo gjë lojtarëve po ju bën shumë mirë. Për sa i përket rritjes apo kolaudimit të lojtarëve, do e shikojmë në ndeshjen e ardhshme", ka përfunduar trajneri i Kukësit, Peter Pakult. UDHËTIMI EKSTREM Ekipi i Kukësit u nis drejt Sllovenisë me datën 15 qershor për të zhvilluar fazën përgatitore në Toplicë të Sllovenisë. Grumbullimi zgjati 17 ditë, pasi dje u mbyll faza intensive. Gjatë kësaj periudhe kohore, Kukësi zhvilloi 3 ndeshje miqësore, nga të cilat një e humbi thellë ndaj Mariborit, 4-0 dhe 2 të tjera i barazoi me rezultatin 1- 1 ndaj Qabalës dhe ekipit rumun të
Harmenstadt. Faza përgatitore ka qenë shume e lodhshme për lojtarët, pasi stafi teknik ka aplikuar çdo ditë dy seanca me ngarkesë të lartë fizike. Por, më e lodhshme për ekipin është bërë udhëtimi në kthim, i cili ka qenë rraskapitës. Ekipi është nisur
nga Toplica drejt Lubjanës në orën 08:30 dhe udhëtimi ka zgjatur plot 2 orë e gjysmë. Në orën 11:00 ekipi ka zbarkuar në aeroport ku ka kryer kontrollet rutinë me shpresën që të nisej në orën 12: 35, që përkonte me orarin e fluturimit të avionit. Zyrtarët e klubit
verilindor janë njoftuar në aeroport se nisja ishte shtyrë për në orën 16:00, mbas rreth 4 orësh pritje, avioni është nisur dhe rreth orës 18:00 futbollistët dhe stafi kanë mbërritur në Tiranë. Largësia prej 677 km në vijë ajrore i ka kushtuar më shumë se 11 orë rrugë
ekipit të Kukësit. Mbas mbërritjes në Tiranë lojtarët janë shpërndarë pranë familjeve të tyre, ndërsa stafi në orën 21:00 është paraqitur në zyrën e presidentit Gjici për të zhvilluar një analizë të përgjithshme të fazës përgatitore të zhvilluar në Slloveni.