Meksika mallkon Brazilin
Belgët me sulmin më të mirë, do të jetë etëm një duel për... gola
Brazili dhe Belgjika do të luajnë ndeshjen më të rëndësishme të tyre në këtë Botëror. Skuadrat shihen si favorite për të fituar trofeun në fund, kjo bazuar në performancën e tyre gjatë turneut. Brazilianët kanë ringjallur pas dështimit në Botërorin e zhvilluar në shtëpinë e tyre dhe tani kërkojnë të qepin yllin e gjashtë në gjoks. Belgjika nga ana tjetër kërkon të bëjë histori duke fituar për herë të parë Botërorin nën drejtimin e trajnerit Martinez, që ka krijuar një skuadër të frikshme me shumë lojtarë të talentuar. Trajneri Tite i druhet kundërsulmit belg që, i ekzekutuar në mënyrë të mirë, mund të jetë fatal për skuadrën e tij. Brazilianët gjithsesi janë më kompaktë në mbrojtje dhe kanë pësuar vetëm një gol në katër ndeshje, i vetmi ai ndaj Zvicrës në ndeshjen e fazës së grupeve. Takimi përfundoi 1- 1 dhe goli i shënuar nga zviceranët u kontestua nga Brazili, pasi u shkaktua me faull. Sot dueli pa dyshim do të zhvillohet në sulm, ku të dyja skuadrat kanë lojtarë shumë të mirë në fazën sulmuese. Nejmar-Kutinjo-Zhezus apo Lukau- MertensHazard? Ndërkohë, në mesfushë Brazili duket se ka më kualitet në krahasim me belgët. Paulinjo-Kasemiro është dyshja që ka balancuar në mënyrë perfekte repartet e sulmit dhe mesfushës. Te Belgjika Vitsel- De Brujne janë motorët e skuadrës, të cilët furnizojnë treshen sulmuese.
* Nga Botërori i vitit 1994 deri në 7 Botërorët pasardhës, cila skuadër mund Meksikën në fazën e 1/8-ave nuk e fiton kurrë kupën. Një statistikë që tremb brazilianët. Në vitin 1994 e eliminoi Bullgaria dhe ata u eliminuan në gjysmëfinale. Në vitin 1998 ishte Gjermania që e pësoi duke u eliminuar në fazën e ardhshme kundër Kroacisë. Në Botërorin e vitit 2002, ishte SHBA- që eliminoi Meksikën dhe u eliminua nga Gjermania në çerekfinale. Ndërsa katër vite më vonë, Argjentina eliminoi Meksikën dhe u eliminua nga "panterat". Në Botërorin e vitit 2010, meksikanët u eliminuan nga Argjentina dhe më vonë e pësuan nga Gjermania. Por mallkimi meksikan godet edhe në 2014, ku e pësoi Holanda. Ekipi i Van Gal në atë kohë e eliminoi në fazën e 1/8-ave dhe u eliminua në gjysmëfinale.
* Brazili arriti të shkonte për herë të 7-të radhazi në një çerekfinale të Kupës së Botës.
* "Seleçao" ka tetë ndeshje që nuk pëson gol nga 9 gjithsej.
* Skuadra e Tites nuk humbet që prej 15 ndeshjesh, ajo ka 11 fitore dhe 3 barazime.
* Vetëm një gol të pësuar në katër ndeshje në Rusi, Brazili konfirmohet i fortë në mbrojtje.
* Belgjika ka 23 ndeshje pa humbje. Ata kanë 18 fitore dhe 5 barazime.
* Ata janë skuadra e parë në këtë Botëror që kanë fituar pasi ishin në dy gola disavantazh, kjo nuk ndodhte prej 48 vitesh në një fazë të 1\8-ave.
* Belgët kanë shënuar 12 gola në turne, duke humbur vetëm një herë në 9 ndeshje të një Botërori.
* Nejmar është përfshirë në 20 gola (11 gola dhe 9 asiste) në 19 ndeshjet e fundit.
* Eden Hazard është përfshirë direkt në 19 gola ( 10 gola dhe 9 asiste) në 18 ndeshje.
* Belgët janë të pamposhtur prej 12 ndeshjesh në Botëror duke pësuar 28 gola.
* Në gjashtë ndeshjet e fundit, Belgjika ka një mesatare golash prej 2.5 për ndeshje.
* Brazili ka fituar tri ndeshjet e fundit përballë Belgjikës, e fundit në Botërorin e 2002.
* Skuadra e Martinezit ka 9 ndeshje pa asnjë barazim.
* Belgët kanë fituar 9 ndeshjet e fundit.
* Brazili ka shënuar të paktën një gol në pesë ndeshjet e fundit, ndërsa Belgët në 14 ndeshjet e fundit.
* Nejmar ka shënuar dy gola në 4 ndeshjet e Botërorit.
* Gabirel Xhesus ende nuk ka shënuar asnjë gol për "Seleçaon".
* Kjo është ndeshja e pestë në histori midis tyre, që nga viti 1963.
* Sulmesi Lukaku ka shënuar katër gola në 5 gjuajtje në portë gjatë Botërorit.