"PlayStation" deri në të gdhirë, ja arsyet e dështimit gjerman

"Bild" dhe Welt" akuzojnë për mosprofesionalizëm

As fat i keq, as rastësi. Nëse Gjermania në Botërorin 2018 është eliminuar, për herë të parë në historinë që saj që në fazën e grupeve, pa dyshim që janë bërë shumë gabime në delegacionin e dërguar në Rusi dhe mosmarrëveshjet, profesionalizmi, por edhe gabime janë bërë pa fund, sepse ndryshe nuk mund të shpjegohet ajo shthurje e kampionëve të botës në fuqi. Dhe pikërisht edhe për këtë arsye, Joakim Lëv mori disa ditë pushimi, përpara se t'i komunikonte Federatës Gjermane të Futbollit vendimin e tij për të respektuar kontratën, që e lidh me "DFB"-në deri në vitin 2022. Deshi të kuptojë se çfarë shkoi keq dhe përse, në mënyrë që të vraponte dhe të niste planin për të korrigjuar dëmet. Mes futbollistëve gjermanë, ashtu sikurse u pa qartë, ka munguar mbi të gjitha përqendrimi i duhur për një turne të seriozitetit kaq të madh. Në Rusi nuk u prezantua një skuadër e bashkuar, por mesa duket një grup individualistësh. Aq sa në ditët e shkuara, akuza e menaxherit të përgjithshëm të kombëtares, Oliver Bierhof, ishte qartë si kristali: "Shumë futbollistë ishin të përqendruar vetëm te vetja e tyre..." Të përqendruar te vetja e tyre, aq sa mjaft prej tyre kanë preferuar më shumë që të luajnë në video-lojëra sesa në realitetin që i priste në këtë Kupë Bote.

Polemika - Këtë lajm paksa të turpshëm për një skuadër, që historikisht ka treguar një mbështetje të fortë te fanella e kombit të tyre, të paktën duke iu referuar informacioneve të grumbulluara nga "Bild", disa prej atletëve të Kombëtares gjermane luanin deri në orët e para të mëngjesit në "PlayStation". Menaxheri Oliver Bierhof dhe trajneri Joakim Lëv e kanë zbuluar këtë fakt dhe kishin arritur deri aty sa të stakonin fishën e internetit, për të mos u lejuar futbollistëve që të lidheshin "online" dhe të mos organizonin sfi-

da mes tyre nga dhoma në dhomë, apo qoftë edhe ndeshje me shokë që kishin mbetur në Gjermani. Nga "FIFA 2018" deri te "Call of Duty", u shpenzua shumë kohë të ngjitur përpara televizorit, ndërkohë që në rastet e tjera orët shfrytëzoheshin me lojtarët që përpiqeshin të bënin grup, edhe jashtë fushës. Ndërsa e përditshmja tjetër, "Welt", flet

madje edhe për "fëmijë që kishin ardhur me pushime, apo edhe disa 'party' me pizhame". Dhe ndoshta, të gjithë këta zëra nuk janë thjesht thashetheme apo aludime mediatike, sepse ndryshe, nuk ka se si shpjegohet dhe duhet ritheksuar, eliminimi i Gjermanisë, për herë të parë në historinë e kësaj kombëtareje që në fazën e grupeve.