Panuçi zbulon rrënjët çeke: Gjysma ime është nga Praga

“Futbolli, gjithçka për shqiptarët. Kam përgjegjësi”

K ristian Panuçi ka dhënë një intervistë për " Nemzetisport". Ai ka prekur pothuajse të gjitha kombëtaret që marrin pjesë në Botëror, por pa harruar edhe Rusinë, ku ai ishte zëvendëstrajner nga viti 2012 deri në 2014. Tashmë rusët janë në një rrugë tjetër, ku ndodhen një hap larg gjysmëfinales së Botërorit, diçka që jo shumë veta e kishin menduar.

RUSIA NË BOTËROR

"Nuk e prisja që Rusia të shkonte kaq larg. Gjithçka mund të them është se, kjo meritë i takon trajnerit Çerçezov. Të gjithë kanë punuar shumë për të arritur deri këtu. Mos harroni se Kapelo e dërgoi ekipin në Brazil, pas mungesave në Gjermani dhe Afrikën e Jugut. Rusia është e avantazhuar, pasi ka mbështetje të madhe". MENTALITETI SHQIPTAR

"Për shqiptarët futbolli është gjithçka, maksimumi. Njerëzit e ndiejnë shumë kombëtaren dhe unë kam përgjegjësi për këtë. Tani duhet të mendojmë për Europianin e 2020". SHQIPONJAT XHAKA-SHAQIRI

"Nuk dua të flas për këtë çështje. Kjo është diçka që u përket federatave dhe sidomos asaj zvicerane. PATRIOTIZMI I SHQIPTARËVE

"Pa diskutim që shqiptarët janë patriotë dhe futbolli është maksimumi për ta. E kam kuptuar shumë shpejt këtë gjë dhe kam përgjegjësi. Para dy vitesh, Shqipëria luante në ' Euro 2016' dhe tashmë duhet të sigurojë pjesëmarrje në ' Euro 2020'".

HUMBJA ME KOSOVËN

"Nuk ishte moment i mirë, pasi humbëm 3- 0. Na mungonin 8 lojtarë. Mund të them se atmosfera ishte e mirë, vëllazërore dhe

shumë miqësore. Fatkeqësisht, presidenti Vokrri ndërroi jetë pas asaj miqësoreje në qershor".

LIGA E KOMBEVE

"Kam qenë në stadium në ndeshjen Hungari- Skoci, pasi doja që të shihja kundërshtarin, duke qenë se në shtator Shqipëria do të luajë ndaj Skocisë. Hodha një sy edhe rreth e qark Budapestit, duke qenë se është pranë qytetit tim të

zemrës. E dini që jam gjysmë nga Praga? Nëna ime është çeke dhe më ka mësuar shumë që të vlerësoj nderin dhe të di rëndësinë që ka sakrifica e punës. Kjo është diçka shumë e rëndësishme për mua". KROACIA

"Sekreti është te puna me moshat. Ata kërkojnë gjithmonë futbollist të rinj. Ka qëlluar një brez i mirë dhe për këtë janë me fat. Modriç

te Reali, Rakitiç te Barcelona, Mandzukiç te Juventus... Kjo është listë e mahnitshme. ITALIA

"Është qetësi e madhe në vend. Tani që ka ardhur Mançini është rikthyer besimi dhe opinioni publik beson se do të rikthehemi aty ku na takon. Roberto ishte një zgjedhje e mirë. Ai është personi i duhur për të bashkuar dhe ndërtuar skuadrën".