Dinamo drejt shpërbërjes, lojtarët janë të lirë
Ekipi i Dinamos vijon pushimet verore. Akoma nuk ka një plan të qartë apo konkret për organizimin për sezonin e ri. Duke parë problematikat financiare që klubi ka pasur në sezonin që shkoi, shumica e lojtarëve po shikojnë për të gjetur alternativa të reja sa u përket skuadrave. Një prej tyre është Ilir Allmuça, i cili ka shkuar për provë te klubi kampion i Skënderbeut. Gazeta mëson se futbollistët e Dinamos mund të shkojnë ku të duan, pasi janë të lirë. Kjo për faktin e vetëm se të gjithë lojtarët e Dinamos janë aktualisht pa kontrata. Në listën me kontrata 1-vjeçare ndër të tjera gjenden dhe senatorët e Dinamos, si Erxhan Muca, Spartak Elmazi, Arvist Gjata, Roland Peqini (ka lënë futbollin), Bazion Traga, e Mario Morina, ndërsa në listën poshtë 22 vjeç janë talentet Ymer Shaba, Ilir Allmuca, Rei Nuriu, Marlind Nuriu, Kevin Myslimi, Çema, Lika, Hasa, etj. Duke parë edhe vështirësitë ekonomike që Dinamo ka kaluar, nëse drejtuesit nuk lëvizin dhe nëse nuk shpallet buxheti, ka mundësi reale që ekipi të shpërbëhet duke u larguar shumë prej këtyre futbollistëve që në sezonin e kaluar bënë një paraqitje shumë të mirë, duke e mbajtur ekipin në Kategorinë e Parë. Situata te Dinamo është shumë e vështirë. S.Sulozeqi ka Dinamo që ka rënë nga Superiorja. Skuadra blu ishte për herë të fundit në elitë në 20112012. Që pas atij kampionati, ekipi militon në Kategorinë e
Parë, ndërsa janë shumë të pakta gjasat që skuadra të rikthehet
sërish në elitë.