Ngec Kukësi, barazim mes drithërimash
Probleme në sulm dhe pak raste, nënkampionët e Shqipërisë rrezikuan ndaj Valetës
"Kualifikimi do të vendoset në Maltë". Peter Pakult e kishte parandierë një ditë para ndeshjes, duke bërë një deklaratë të sinqertë, por pak e besuan, madje u mendua si një diplomaci e tepruar në prag të takimit. Por, në fushë u konfirmua ajo që austriaku paralajmëroi. Valeta befasoi Kukësin dhe mund të kishte dalë me fitore nga ndeshja e
Kualifikimi do të vendoset në Maltë". Peter Pakult e kishte parandierë një ditë para ndeshjes, duke bërë një deklaratë të sinqertë, por pak e besuan, madje u mendua si një diplomaci e tepruar në prag të takimit. Por, në fushë u konfirmua ajo që austriaku paralajmëroi. Valeta befasoi Kukësin dhe mund të kishte dalë me fitore nga ndeshja e djeshme në stadiumin "Loro Boriçi". Ishte një ndeshje që për nga mënyra sesi luajtën skuadrat, mbeti e hapur deri në fund. Barazimi 0-0 kënaq më tepër maltezët, por gjithsesi për Kukësin e rëndësishme ishte që pavarësisht se nuk fitoi, të paktën nuk pësoi gol. Me pesë debutues në formacion, natyrshëm që nuk pritej të ishte gjithçka "vaj" për verilindorët, por gjithsesi dukshëm skuadra zhgënjeu. Përjashto kapitenin Shameti, dyshen e qendrës së mesfushës Dzaria e Musolli, por edhe Çyrbjen, që u mundua të dilte mbi të tjerët falë cilësive individuale që ka, Kukësi ishte një zhgënjim në pjesën tjetër. Valeta u shfaq agresive që në start dhe iu afrua më tepër golit, por verilindorët ruajtën të paprekur portën prej Frashërit, që reagoi mrekullisht në rastin më të pastër të miqve në pjesën e dytë. PJESA E PARË
Melo dhe Qaqi në mbrojtje, Zguro e Çyrbja në mesfushë dhe Plaku në sulm kishin tjetërsuar Kukësin. Në fillim janë maltezët që përmes lojtarëve të krahut dhe sulmuesit kryesor, Fontanela, çorientojnë mbrojtjen kuksiane. Kukësi reagon menjëherë duke fituar tri goditje këndi radhazi, por si Shameti, edhe Qaqi, nuk gjejnë dot portën pas kërcimeve me kokë në zonë. Loja është e ekuilibruar, me maltezët që dalin shpejt në kundërsulm dhe i arohen golit me Pena Beltre. Momenti më i mirë i Kukësit në pjesën e parë ishte aksioni i minutës së 20-të, ku pas kombinime të shpejta, Musolli nuk e finalizua dot me gol. Gjithsesi, ishte Valeta që kishte rastin më të pastër me Fontanelën, që shpërdoroi në mënyrë të pabesueshme përballë Frashërit. PJESA E DYTË
Pas pushimit, Pakult nuk bën ndryshime. Mirëpo, loja është thuajse fotokopje e pjesës së parë, me një Kukës shumë larg portës. Sebino Plaku në majën e sulmit mbulohet rreptë nga maltezët dhe e ka të vështirë
të bëhet i rrezikshëm. Çyrbja në të djathtë dhe Rrumbullaku në të majtë marrin shpesh iniciativën, por kjo nuk mjafton. Pakult bën zëvendësimin e parë, duke hedhur në fushë Ethemin dhe larguar Zguron, në një debutim për t'u harruar. Mesfushori nga Tetova krijon
pështjellime me inkursionet e tij, por mungon rrezikshmëria në portën e Valetës. Për të pritur një rast ideal shënimi, duhet të vijë fundi i lojës. Çyrbja bën diferencën në krahun e djathtë, por as kjo nuk mjafton. Pakult hedh në fushë edhe blerjet e verës, Shpehar e Harba, mirëpo ndryshimi në fushë nuk duket. Minutat ikin shpejt dhe në fund është Frashëri që eviton një gol të sigurt pas goditjes së Nvoko. Valeta është më e rrezikshme, por edhe maltezët vetë nuk kanë besimin e duhur se mund të fitojnë në transfertë. Gjithçka mbyllet 0-0, për t'u vendosur tashmë më 17 korrik në stadiumin "Ta Qali" të Valetës.