“Pastore të justifikojë vendin te Roma”
Roma ka qenë shumë aktive në merkaton e verës, duke nënshkruar me disa lojtarë premtues. Pasi shiti Naingolan tek Interi, romakët afruan Kluivert nga Ajaksi dhe Pastore nga Parisi. Ky i fundit pritet të zëvendësojë belgun e larguar për në Milano. Trajneri Di Françesko tha se argjentinasi duhet ta fitojë formacionin. "Jam shumë i lumtur me transferimet, kemi afruar disa lojtarë të rëndësishëm. Midis tyre edhe Pastore, që ka një karrierë të pasur, pasi ka luajtur më parë në Seria A me Palermon dhe më pas te Parisi, ku është shpallur kampion i Francës. Ku do të luajë? Këtë do ta shohim, ai duhet ta justifikojë vendin e tij në formacion".