Pakult: Ju thashë që s’jemi favoritë, por do kualifikohemi

“Ndikojnë ndryshimet, ia kam sqaruar edhe presidentit”

eter Pakult nuk ka qenë edhe aq i qetë pas ndeshjes së djeshme. Fillimisht është kapur me gazetarin e RTSHsë, Eno Skarço. Në fakt, ai e paralajmëroi se Kukësi nuk mund të quhet favorit ndaj Valetës, edhe pse opinioni në Shqipëri ka bindjen se futbolli maltez është i një niveli më të ulët dhe skuadra verilindore nuk duhet ta diskutojë kualifikimin. "Nuk mendoj se është rezultat i papritur. Kurrë nuk e kam thënë se jemi ne favoritët. Kam një kohë të gjatë në futboll dhe e di shumë mirë se çfarë ndodh. Gjithsesi, kemi edhe një lojë tjetër. Kjo ishte vetëm pjesa e parë, pasi do të tentojmë në të dytën kualifikimin. Disa mendojnë për grupet, po duhet durim. Në pjesën e parë patëm shanset tona, edhe në të dytën mund të shfrytëzonim më mirë kundërsulmet. Duhet të rrisim nivelin e lojës për të shkuar te goli. Sot (dje) jam i kënaqur që nuk pësuam gol. Pa dyshim që na dhemb që nuk shënuam, por jam i bindur që në ndeshjen e kthimit do të japim maksimumin tonë. Do të shënojmë dhe do të kualifikohemi. Një gol i yni në Maltë do t'i çorientojë ata. Besoj se do të ndryshojmë disa gjëra në ndeshjen e kthimit", deklaroi fillimisht Pakult për RTSH. I pyetur për ndikimin që patën ndryshimet e shumta në formacion, trajneri austriak i Kukësit u shpreh: "Është vetëm fillimi, këtë jam munduar t'ia shpjegoj edhe presidentit. Është si puna e farës që mbillet në bar, pra, do kohë për t'u rritur. Çdo gjë do kohën e vetë, edhe te ne, por mendoj se jemi në rrugën e duhur. Nuk duhet të harrojmë se Valeta është një kundërshtar me eksperiencë dhe ata kanë kohë që luajnë me njëratjetrin. Sulmuesi kryesor i tyre

është shumë i rrezikshëm, ka shënuar rregullisht në kampionatin e fundit".

PROBLEMET - Në konferencën për shtyp, pas ndeshjes, Pakult tregoi edhe se çfarë nuk funksionoi në lojën e ekipit të tij. "E filluam shumë nervozë lojën. Në pjesën e parë patëm vështirësi në krijim. Pa dyshim, ka të bëjë me faktin që një pjesë e lojtarëve janë afruar së fundmi. Nuk dua të flas për individë të veçantë, unë fokusohem tek i gjithë ekipi. Në të tria repartet pati mangësi. Sigurisht që është e vështirë, sepse skuadra ka vetëm 14 ditë që luan bashkë. Kur të ikin lojtarë

nga ekipi, është normale që do t'i zëvendësosh dhe ndryshimi është që kemi pasur përballë kundërshtarë që njohin mirë njëri-tjetrin, sepse kanë kohë që luajnë bashkë. Bashkë me Nexhipin kemi pasur një listë lojtarësh. Është e vështirë, sepse disa janë të shtrenjtë dhe ndoshta ndonjëherë je i kufizuar. Do të kërkojmë edhe një sulmues", deklaroi Pakult. Në fund, i pyetur nëse do të cilësonte si dështim një eliminim të mundshëm të Kukësit, ai u shpreh: "Të jemi pozitivë në jetë. Ka pasur një shprehje, që pas shiut vjen dielli. Të shpresojmë për diellin".