“Shefat” e Mariborit, në një hotel me gjyqtarët

Drejtuesit sllovenë dhe zyrtarët kalojnë natën së bashku

Në prag të ndeshjes së sotme mes Par tizanit dhe Mariborit, e para e turit të dytë të Ligës së Europës, zbulohet një fakt i çuditshëm. Zyrtarët e sfidës së sotme që janë gjyqtarët, delegati dhe vështruesi, kanë kaluar natën në hotel "Tirana Internacional". Deri këtu, gjithçka është normale. Por, burime të sigurta të gazetës bëjnë të ditur se në të njëjtin hotel kanë qëndruar dje edhe delegacioni i klubit të Mariborit ku përfshihen drejtues sllovenë. Ndërsa, skuadra dhe stafi teknik i sllovenëve ishin të akomoduar në ish-hotel "Sheraton". Një fakt disi i çuditshëm që le vend për hamendësime. Në kohët e sotme nuk ndodh që zyrtarët e një ndeshjeje të akomodohen në të njëjtin hotel me drejtuesit e një klubi. Sigurisht, gjithçka është në kuadër të hamendësimeve, por një fakt i tillë nuk tingëllon mirë përpara ndeshjes. Duket një gafë e UEFA- s, e cila duhet ta shmangte këtë përplasje. Duke parë që në Tiranë ka disa mundësi zgjedhje për sa u përket hoteleve me pesë yje, gjithçka mund të ishte shmangur për të mos lenë vend për diskutime. Gjyqtarët e ndeshjes së sotme janë nga Franca me kryesor Zherom Brisard dhe ndihmës të tij, Mehdi Rahmouni e Filip Zheane. Gjyqtar i 4-t do të jetë Johan Hamel.