Gjici: Gjici: Pakulti Pakulti na la la me probleme, probleme, mendoi Zoti Zoti për ne
rakli zaria është heroi, mjafton goli në fushën e Valetës
Cungu: Cungu: Ishim Ishim me fat, fat, Valeta Valeta na na dominoi dominoi
Shameti Shameti do do kontratë kontratë të të re, re, heroi heroi Dzaria: Dzaria: Goli Goli i i karrierës karrierës
Shkëndija Shkëndija “luan “luan me zjarrin”, zjarrin”, Drita Drita nuk nuk ia ia del del dot dot
Historike Kukësi kalon për herë të parë një tur në Ligën e Kampioneve, duke eliminuar Valetën pas dy barazimeve: 0-0 në Shkodër dhe 1-1 në Maltë. Goli në fushën kundërshtare i gjeorgjianit Irakli Dzaria i ka dhënë skuadrës veriore një kualifikim mes drithërimash. Në këtë tur të parë Kukësi e bëri si Franca. Është çështje ngjyrash (te të dy mbizotëron bluja) dhe cinizmi. Deri në minutën e 84-t, ekipi i drejtuar nga Armando Cungu ishte i eliminuar, pasi maltezët udhëhiqnin me shifrat 1-0. Në debutimin e trajnerit shkodran, te Kukësi ishin të ndërgjegjshëm se do të vuanin, nisur edhe nga fakti se Valeta nuk është më ai ekip që deri pak vite më parë shihej si formalitet. Kukësi u bë dje po aq cinik sa "gjelat" në Botëror. Goditën vetëm dy herë portën, shënuan një gol dhe kaluan më tej. Kaosi i pak ditëve më parë pas shkarkimit të Peter Pakultit duket se u harrua shpejt dhe tashmë te Kukësi rinisin gjithçka nga e para me trajnerin që bëri historinë në vitin 2013. Një koincidencë e bukur, por mesa duket Cungu sjell fat.
NDESHJA - Kukësi e nisi me vetëm një ndryshim në krahasim me ndeshjen e parë në Shkodër. Së pari, Cungu kishte vendosur të luante me skemën 4-3-3, ndërsa lëvizja e vetme në emra ishte ulja në stol e qendërmbrojtësit Qaqi dhe aktivizimi nga minuta e parë e Allës në krah të kapitenit Shameti. Sulmi ishte i njëjti, me Plakun në majë dhe Çyrbjen e Zguron nga krahët e gjithashtu Shkodrën në "regji". Valeta vendos nën presion skuadrën e Cungut që në start, me disa zbritje të frikshme. Sulmuesi kryesor, Fontanela, mbështetej mirë nga krahët. Në 20 minutat e para maltezët janë më kërkues dhe i afrohen golit, por Shameti në qendër të mbrojtjes bën liderin, duke bllokuar disa aksione premtuese të Valetës. Kapiteni merr përsipër të bëhet protagonist edhe në sulm, pasi krijon rastin e vetëm të rrezikshëm të Kukësit në pjesën e parë. Pas goditjes me kokë, mbrojtësi është i pafat, sepse topi kalon ngjitur me shtyllën. Në fundin e 45 minutave të
para është Frashëri, që mban portën e paprekur pas goditjes së Santiagos. Pjesa e dytë rinis me të njëjtat formacione, por më pas Cungu ndërhyn shpejt, duke u dhënë hapësirë blerjeve të verës si Harba e Spehar. Mirëpo, gjithçka merr për ters, kur pas një aksioni të rrjedhshëm të vendësve, vjen goli i parë me Santiagon. Cungu luan edhe "kartën" e fundit, duke aktivizuar Ethemin. Fillimisht është Rrumbullaku që i afrohet golit e më pas bëhet protagonist me asistin për Dzarian, që shënon. 1-1 dhe më pas ankth deri në minutën e 96-të, por gjithçka mbyllet me festë.