Berisha akord me Tiranën, çon Vllazninë në FIFA
Pritet këto ditë në kryeqytet, me shkupjanin merkatoja mund të mbyllet zyrtarisht
Nuk ka më dyshime, Sedat Berisha do të jetë i Tiranës. Klubi ka arritur akordin parimor me qendërmbrojtësin dhe për sezonin 2018-2019 ai do të vishet bardheblu. Kontrata është gati dhe për pak ditë shkupjani do të vijë në kryeqytet për...
Nuk ka më dyshime, Sedat Berisha do të jetë i Tiranës. Klubi ka arritur akordin parimor me qendërmbrojtësin dhe për sezonin 2018- 2019 ai do të vishet bardheblu. Kontrata është gati dhe për pak ditë shkupjani do të vijë në kryeqytet për ta firmosur. Duhet se edhe pengesa "Vllazni" po kalohet. Burime për "Panorama Sport" konfirmojnë se lojtari ka dërguar çështjen në FIFA. Ai kërkon jo vetëm 10 mijë euro të prapambetura prej rrogave, por edhe lirinë. Ndoshta, gjyqi nuk mund të mbyllet shpejt, megjithatë "qeveria" e futbollit botëror krijon lehtësira për të tilla raste. Ende pa mbaruar procesi, qendërmbrojtësi mund të vijojë të drejtën që të marrë lejen e kalimit dhe rrjedhimisht të gjejë ekipin e ri. Derisa e ka vendosur se ku do të vijojë karrierën, e vetmja që po pret është sigurimi i OK-it prej FIFAs. Me të ardhur konfirmimi, ai do të nënshkruajë kon- tratën sezonale me bardheblutë dhe rrjedhimisht do të vihet nën urdhrat e Ze Marias.
MERKATO - Ndoshta, me shkupjanin mund të quhet e mbyllur edhe merkatoja për kryeqytetasit. Pa çka se trajneri ka preferenca për dy sulmues, një "pykë" dhe një anësor, duket e pamundur që të sigurohen në kohë të duhurit. Me Junus Sentamunë që pritet të vijë këto ditë dhe me Majkëll Ngonë që jep garancinë që mund të bëhet gati në muajin gusht (dhe jo shtator, sikundër e parashikon
dëmtimi dhe operacioni që ai ka pasur), Tirana do të nisë sezonin. Pra, nuk do të ketë më surpriza. Ndryshimi i vetëm mund të ndodhë pas miqësoreve që janë programuar për fazën përgatitore. Në rast se skuadra çalon, atëherë presidenca mund të bëjë një "sforco" financiare. Megjithatë, më shumë se te paratë, problemi qëndron se nuk kanë gjetur lojtarët e duhur në treg për ofensivën. Tirana këtë sezon ka pretendime realisht të mëdha. Rikthimi në elitë duhet të shoqërohet me trofe dhe ky është një kusht i panegociueshëm.