“Qeveria rrëzoi Vllazninë, auditin e urdhëroi Tom Doshi”
" kam bërë unë propozimin, jo më rroga të majme"
Lushnja vazhdon normalisht për gatitjet për sezonin e ardhshëm, ndërsa pak ditë më parë, gazeta "Panorama Sport" ka zbardhur edhe rrogat që do të kenë futbollistët në kampionatin e ri. Në një prononcim për gazetën, trajneri i skuadrës, Ilir Gjyla, flet për përgatitjet e verdhejeshilëve, të cilat muajin e ardhshëm do të zhvendosen në Pogradec ku do të qëndrojnë të grumbulluar.
GJYLA - "Janë edhe këto tri javët e fundit për të punuar. Në datën 13 gusht do të spostohemi në Pogradec. E kemi nisur me aerobinë dhe më pas me forcën. Kur të shkojmë në Pogradec, do të vazhdojmë me dy seanca në ditë. Në Pogradec skuadra do të qëndrojë dy javë për t'u stërvitur në kushte grumbullimi. Njëkohësisht, po diskutojmë për të bërë edhe disa ndeshje kontrolli. Ajo që më ngroh është se të gjithë futbollistët që stërviten janë të motivuar, seriozë dhe të angazhuar në punën e tyre. Është shpejt për të folur sepse sapo kemi filluar. Në Fier ndaj Apolonisë ishte miqësorja e parë. Unë i di kushtet edhe pse them që do të vazhdojmë të punojmë me këto kemi. Kjo është edhe arsyeja që do të spostohemi dy javë në Pogradec. Kemi fushën atje dhe njëkohësisht, bëjmë ndeshje miqësore me ekipet që janë afër", është shprehur fillimisht trajneri i Lushnjës. Tekniku i verdhejeshilëve është në kontakte me disa lojtarë. "Edhe pse është fillimi, mendoj që jemi mirë. Presim futbollistë dhe jemi në
bisedime. Jemi të hapur për futbollistë të huaj dhe lushnjarë. Më vjen keq me futbollistët e Lushnjës që nuk na kanë kontaktuar, që mbyllën sezonin me këtë ekip. Qoftë edhe moralisht duhet të na kishin kontaktuar, sepse e di që bredhin rrugëve", tha Gjyla.
RROGAT - Trajneri flet edhe për situatën financiare. "Kemi dy javë që kemi mbyllur problemin e pagave. Kemi
kontaktuar me presidentin dhe kryetarin e bordit. Jam shumë i kënaqur me mënyrën se si po organizohet këtë vit. Propozimet i kam bërë unë, ka ikur koha që futbollistët vinin këtu dhe bënin një kontratë që në fillim. Një sezon më parë, edhe pse ekipi mori vetëm 10 pikë, futbollistët përfituan nga 1 milion e 1 milion e gjysmë pagë mujore. Tani ka një moment, ku unë mendoj që këto rroga kanë qenë të majme. Të gjithë ata që pretendojnë t'i marrin këto lekë, aty i kanë. Të vijnë, të stërviten dhe të kapin 12-shen e parë dhe t'i marrin. Përveç rrogës, 150 mijë lekë të vjetër janë për fitoret jashtë fushës dhe 100 mijë lekë të vjetër për fitoret brenda. Atëherë, rrogat shkojnë në 1 milion lekë të vjetër në muaj. Një futbollist që pretendon të vijë t'i marrë lekët, t'i përfitojë si rezultat i punës. Nuk mund të merren paratë për 11 pikë gjithë sezonin dhe "shëndet e gjithë të mirat"! Ne jemi skuadër bashkie, por edhe me president po të ishim, kush është ai president që jep lekë kot?! Jemi të hapur për futbollistët që bredhin nëpër Lushnjë. Ata e kanë mbaruar kontratën. Është e drejta e tyre të zgjedhin. Ne as nuk marrim futbollistë me zor dhe as nuk do t'i lutemi njeriu. Por, duhet të kenë një moral prej futbollisti. Fundja fare ky qytet i ka nxjerrë futbollistë. Ky qytet i ka dhënë pagat dhe ky qytet i ka bërë që të njihen", përfundon prononcimin e tij për gazetën, trajneri Ilir Gjyla.