1000 tifozë të pranishëm, magjeps Kobina

- Pak minuta dhe tifozët magjepsen prej cilësive të Uinful Kobina dhe sidomos për mënyrën se si e kontrollonte topin.

- Gati një mijë tifozë të pranishëm në "Selman Stërmasi". Sportdashësit bardheblu mbushin tribunat A dhe B, duke dëshmuar se interesi do të jetë shumë herë më i lartë me rikthimin e Tiranës në elitë.

- Trajneri Mariol Miho shfaqet kërkues ndaj të tijve, provën ndaj Tiranës e konsideron si barometër për ekipin që po ndërtojnë për të qenë të suksesshëm në Kategorinë e Parë. - Caktohen numrat për blerjet e reja. Kobina mbante 8-ën, 21 ishte për Atingën, Blazhevski mori 77-ën, Imami 19 dhe Hasani 16. - Presidenti Refik Halili erdhi nga fundi i pjesës së parë për të ndjekur provën e parë të Tiranës së tij, ndërsa në kampin tjetër ishte Koço Kokëdhima.

- Marvin Turtulli dëmtohet pas një ndërhyrjeje. Qendërmbrojtësi e nisi mirë lojën, por u detyrua të largohej pas goditjes që mori. Gjendja e tij do të verifikohet pas kontrolleve.

- Edhe pse loja nisi me mot të vranët dhe me vetëtima, vapa ishte prezente. Për këtë motiv në të 30-ën u ndal loja, që lojtarët të konsumonin ujë.

- Greca në kontroll me topin dhe Mone në tentativë për të fituar duel, përfundon duke bërë "mundje". Ka revoltë nga tifozët për lojtarin e fierakëve, por jo prej sulmuesit të Tiranës. Ai e kalon me sportivitet dhe i jep dorën. Kanë luajtur në Pukë, ndaj këtë fakt s'e kanë harruar.

- Një tifoz i bën lëmsh emrat e lojtarëve. Kur Ngo u drejtohet dhomave të zhveshjes i thotë "o Ngoji" dhe kur vjen radha e Hasanit e thërret "O Edison", duke harruar që quhej Edon. - Festë surprizë për Ze Marian. Dje ka mbushur 45 vjeç dhe kjo ditë nuk mund të kalohej pa zhurmë. Protagonistë ishin lojtarët që vërshuan drejt tij me miell dhe vezë, kur po jepte prononcimin për mediat.

- Nuk u la me kaq, pasi edhe në darkë pati tortë dhe një darkë ndryshe në hotelin ku janë grumbulluar.