Festë te Kukësi, Gjici shpërndan 100 mijë euro

Motivim për Karabakun, jepet premio e kualifikimit me Valetën

onfirmohet lajmi i “Panorama Sport” në lidhje me premion tek ekipi verilindor i Kukësit, ku lojtarët i çuan mesazhe të koduara presidentit Gjici, që ky i fundit të lëvronte shpërblimin prej 100 mijë eurosh, të cilin e premtoi për kalimin e turit të parë në Champions League. Loja e keqe dhe kualifikimi shumë i vështirë dhe me shumë fat zemëroi presidentin Gjici, i cili në mbledhjen e ditës së enjte të datës 19 korrik kritikoi drejtuesit dhe iu tha se Kukësin e kualifikoi fati dhe Zoti dhe vetëm atij ai mund t’i jepte premio. Po në atë mbledhje, kreu i klubit theksoi se ekipi duhet të kalojë Karabakun e më pas do përfitojë dopio premio. Takimi i parë përfundoi, e për ekipin rezultati i dalë është shumë i mirë dhe i favorshëm, ndaj e meritojnë premion e Valetës. Lojtarët, edhe pse nuk e shprehën publikisht, u zemëruan shumë për premion e mosakorduar, pasi u dukën të pavlerësuar për ecurinë që dhe pse me lojë jo të bukur, por mjaft efikase, Kukësi kaloi turin e parë e pretendon seriozisht të kalojë Karabakun. Mesazhet e ekipit i janë përcjellë presidentit, jo drejtpërdrejtë, por në mënyrë të tërthortë. Kreu i klubit, si një person mjaft i mprehtë, i dha urdhër financës që ditën e sotme 100 mijë euroshi të bëhej gati e t’i shpërndahej ekipit. Drejtuesit kanë lajmëruar futbollistët,

të cilët janë paraqitur në zyrat e klubit, ku kanë tërhequr zarfet. Pritet që në takimin ndaj Karabakut ekipi të jetë më i karikuar, pasi nëse kalojnë turin, presidenti Gjici do t’u japë çek të bardhë, ku shumën se sa do jetë premio do e vendosin vetë lojtarët, e

cila pritet të jetë më shumë se 100 mijë euro sërish.

MERKATO - Nëse Kukësi do të mund të kalojë Karabakun, nuk përjashtohet mundësia që të ketë edhe surpriza në merkato, duke afruar sërish ndonjë element cilësor.