Një peruan për Besën, Lima firmos për 5 vite
Deri të mërkurën do të nënshkruajnë të gjithë lojtarët
esa ka nisur të hedhë hapat konkretë përsa i përket ekipit që po ndërton për sezonin e ardhshëm. Skuadra kavajase synon të afrojë lojtarë cilësorë, me objektivin për t'u ngjitur në Superiore. Gjatë ditëve të fundit, grupit që drejtohet nga Gentjan Begeja i janë bashkuar shumë lojtarë dhe me ta është arritur akordi për të luajtur me Besën në kampionatin e ardhshëm. Por, vetëm dje ka nisur zyrtarizimi i afrimeve. Futbollistët kanë nisur nënshkrimin e kontratave me presidentin Nexhat Bizhdili. Dhe i pari që ka hapur siparin e firmosjes së kontratave është peruani Karlos Lima
PERUANI - Pas miqësores së fundit ndaj Lushnjës të fituar 1-0, ka ardhur edhe zyrtarisht firma e peruanit Karlos Lima. Në firmosjen e kontratës merrte pjesë menaxheri i tij, Anxhelo Suta, ish-kapiteni i Luzit 2008 dhe aktualisht trajner i Gramshit, së bashku me presidentin Bizhdili. Peruani që luan si mesfushor qendre është i datëlindjes 2000 dhe vjen
nga klubi peruan Lima. Presidenti Bizhdili i ka afruar Karlos Limës një kontratë me afat 5-vjeçar, për të cilën të dyja palët kanë rënë dakord. 18- vjeçari ka bindur stafin gjatë këtyre ditëve dhe në këtë mënyrë i është ofruar një kontratë afatgjatë nga presidenti
Bizhdili. Drejtuesit kavajas kanë bërë të ditur se do të investojnë shumë përsa i përket elementit të ri. Deri të mërkurën, kur pritet që Besa të udhëtojë drejt Pogradecit, do të jenë firmosur të gjitha kontratat me futbollistët. Asnjë lojtar pa kontratë nuk do udhëtojë për në fazën përgatitore. Gjatë këtyre ditëve do të zyrtarizohen edhe afrimet e tjera. Trajneri Gentjan Begeja së bashku me presidentin Nexhat Bizhdili e kanë deklaruar në disa raste se objektivi i kavajasve në kampionatin e ardhshëm do të jetë ngjitja në Superiore. Ndërkaq, financat janë të sigurta dhe angazhimi është maksimal. Në fazën përgatitore në Pogradec, ekipi ka parashikuar që të luajë edhe disa ndeshje miqësore, ku do të shihet forma e lojtarëve. Kavajasit do të luajnë kryesisht me ekipet afër Pogradecit.