Reagon klubi: Ja emrat për trajner dhe drejtor sportiv
Në mbrëmjen e djeshme, saktësisht në orën 23:30, klubi shkodran ka dalë me një komunikatë për shtyp, duke sqaruar çështjen e trajnerit të ri dhe drejtorit sportiv. "Klubi i Futbollit Vllaznia sh.a. njofton përfundimin e fazës së parë të përzgjedhjes së trajnerit dhe drejtorit sportiv. Pas administrimit të kandidaturave të paraqitura, të cilat kanë qenë të konsiderueshme, serioze dhe nga brenda e jashtë Shqipërisë, Vllaznia ka vendosur vijimin e procedurës së përzgjedhjes për kandidaturat më poshtë:
PËR POZICIONIN E DREJTORIT SPORTIV Agim Canaj (ish-trajner) Alban Neziri
(drejtor teknik i Akademisë) Engin Firat (ish-trajner turk) PËR POZICIONIN E TRAJNERIT
Baldo Raineri (ish-trajner i Vllaznisë) Dervish Haxhiosmanoviç (ish-trajner i Vllaznisë) Edi Martini (ish-trajner i Vllaznisë) Engin Firat (ish-trajner turk) Hasan Lika (ish-trajner i Vllaznisë; Përzgjedhja e mësipërme është bërë bazuar në CV-të e depozituara dhe në projektet e paraqitura nga secila kandidaturë. KF Vllaznia falënderon të gjithë ata që u shprehën të gatshëm të kontribuonin pranë klubit, ndërsa në ditët në vijim do të ketë sërish komunikim për ecurinë e procesit të përzgjedhjes së drejtorit sport- iv dhe trajnerit", citohej ndër të tjera në njoftimin e klubit. Ndërkohë, mes kandidaturave që kanë drejtuar në të kaluarën Vllazninë, madje janë shpallur edhe kampionë, siç është rasti i malazezit Haxhiosmanoviç, ajo që bie në sy është vetofrimi i turkut 48-vjeçar, Engin Firat. Ky i fundit ka një CV të pasur, duke drejtuar klube në Superligën turke si Samsunspor, Antaliaspor dhe në rolin e asistentit te Fenerbahçe. I njohur në Turqi si ekspert i taktikës, gjatë viteve të fundit ka drejtuar në Iran dhe Amerikë, pikërisht te Sepahan dhe Dallas Siti. Në të kaluarën ka qenë edhe zv.trajner tek Ejntraht Frankufrt. CV-ja e tij është impresionuese. Në vitin 2008 ai ka punuar edhe si zv.trajner te Kombëtarja e Iranit, duke qenë ndihmës i Ali Dai. Më së shumti në karrierën e tij ka qenë në rolin e asistentit, por edhe të drejtorit sportiv. Mbetet për t'u parë nëse klubi do të zgjedhë turkun 48-vjeçar.