Shevçenko: Një si Gonzalo sposton ekuilibrat

Ish-sulmuesi komenton merkaton: Dy blerje të denja për historikun e klubit

Andrij Shevçenko, i gjendur në Milano, nuk humbi rastin për të përshëndetur miqtë në "Casa Milan". Pas vizitës, trajneri aktual i Ukrainës dha edhe një intervistë për televizionin e klubit.

Si ndihet një si Sheva në "Casa Milan"?

Sa herë kam mundësi kaloj në "Casa Milan". Ndiej shumë kënaqësi kur vizitoj muzeun. Mes fotove të shumta dhe trofeve të ekspozuar, emocionohem gjithmonë. Për mua Milano është një shtëpi e dytë, aq më tepër vendet që më lidhin me Milanin. Çfarë mund të na thoni për drejtorin Leonardo?

Jam tejet i lumtur për të. Më në fund u rikthye te Milani dhe puna e tij dallohet, pasi menjëherë erdhën dy lojtarë të mëdhenj. Me Leon jam shumë i afërt, pasi miqësia jonë lindi kur mbërrita te Milani. Ai ishte ndër njerëzit që më qëndruan më afër dhe më ndihmuan të ambientohem.

Kaldara e Higuain, dy goditje të mëdha, si ju duken?

Numri 33 është i rëndësishëm sepse e ka mbajtur Tiago Silva. Matia i ka cilësitë për të bërë po aq mirë sa braziliani.

Për Gonzalon flet karriera dhe golat. Kudo ka qenë, ka shënuar shumë. Tani duhet të shkruajë historinë e Milanit dhe të spostojë ekuilibrat.

Cili është opinioni që keni për skuadrën e Gatuzos?

Milanin e kam ndjekur gjithmonë, por me Gatuzon edhe më shumë. Rino po bën

një punë të mirë, e cila do të dalë në pah edhe me integrimin e ardhjeve nga merkato. Besoj se këtë vit do të shohim një Milan më të fortë, ndërkohë që shpresoj që në klub të afrohen të tjerë lojtarë të rëndësishëm të historisë së Milanit, sidomos Maldini për të cilin ka nisur të shpresojë.