Martinez lë në hije Ikardin, gol fitoreje me Lionin

Ikardi luan 90 minuta, por kapiteni është ende larg formës së tij më të mirë

Interi dhe Lioni luajtën ndeshjen miqësore të vlef shme për "Champions Cup" në stadiumin e Leçes. Skuadrat kishin shumë mungesa në formacionet e tyre. Spaleti luante pa lojtarët që ishin me kombëtaret e tyre në Botëror. Perisiç, Brozoviç dhe Miranda vazhdojnë të mos luajnë për skuadrën zikaltër. U rikthye në këtë takim heroi i finales së Romës, Matias Vesino, që luajti në pjesën e dytë në vend të Roberto Galiardinit. Ndërkohë, portugezi Zhao Mario u vërshëllye teksa u fut në fushë për Jan Karamoh. Interi shënoi golin e vetëm në minutën e 52të me anë të Martinez që brenda zonës dërgoi topin e dhënë nga Dalbert në portën e boshatisur. Takimi përfundoi në shifrat 1-0 për Interin që tani pret të luajë takimin e radhës ndaj Atletikos së Madridit.

PJESA E PARË - Interi e nis mirë pjesën e parë, duke kërkuar t'i afrohet sa më shumë portës së skuadrës së Lionit. Francezët mundohen të luajnë në kundërsulm kur në disa momente arrijnë të rrezikojnë portën e Handanoviçi. Ndërkohë, Spaleti i kërkon treshes sulmuese Ikardi-Karamoh-Martinez që të luajnë më afër njëri-tjetrit. Francezi është më aktivi nga të tre, pasi kapiteni është gjithmonë i mbuluar nga dy lojtarë të Lionit në zonën e rreptësisë. Ndërkohë, argjentinasi që ka ardhur këtë verë në Milano mundohet të gjejë hapësira, por i mungon freskia duke u dhënë mundësi kundërshtarëve ta bllokojnë atë. Politano nga krahu i djathtë është në hije duke prodhuar pak lojë. Ashtu ishte edhe Shkrinjar, që në minutën e 38-të u la në vend në një duel shpejtësie 1 kundër 1 me sulmuesin Dias, e më pas goditi diagonal, por topi i tij u prit nga portieri slloven. Pjesa e parë përfundon

me rezultatin 0-0.

PJESA E DYTË - Në 45 minutat e dyta është sërish Interi që hidhet në sulm. Argjentinasi Martinez ka një rast të artë në minutën e 50-të, por nuk arrin të shënojë. Vetëm dy minuta më vonë është sërish "El Toro" që godet brenda zonës, duke

shënuar golin e avantazhit pas një pasimi të brazilianit Dalbert nga krahu i majtë, Politano bën një lëvizje mashtruese, duke i dhënë mundësi argjentinasit të godasë me portën e boshatisur. Interi kryeson takimin dhe mundohet të shënoi golin e dytë, por pa sukses. Më pas, të

dy trajnerët vendosin të kryejnë disa zëvendësime rresht. Për Lionin në lojë hyn holandezi Memfis Depai që nuk arriti të bënte asgjë. Në krahun tjetër, Vesino dhe Zhao Mario ishin lojtarët e rikthyer te skuadra e Spaletit që fiton një takim pa shumë emocione.