Dzaria rinovim automatik, Gjici: Askush nuk ikën
Nuk ka bërë kërkesë për largim, zbulohet sa do të përfitojë
Kukësi vijon aven turën në Europa Ligë, ku ditën e enjte luan ndaj Torpedos në Tbilisi, ndërsa më 16 gusht e pret në "Elbasan Arena". Gjeorgjianët do të gjejnë te Kukësi rivalë patriotët të tyre, pikërisht Irakli Dzaria, ish-futbollistin e kombëtares së Gjeorgjisë, Dinamo Tbilisi dhe Dila në kampionatin gjeorgjian. 29vjeçari iu bashkua Kukësit në janar, e gjatë kësaj kohe ka treguar se është një lojtar mjaft i vlefshëm, edhe pse nuk është ndër futbollistët më të paguar të klubit verilindor. Segmente të ndryshme brenda klubit nënkampion të Shqipërisë folën për një lëshim të tij, por tashmë situata e tij është mbyllur përfundimisht. Gjeorgjiani do të jetë lojtar i Kukësit dhe për sezonin e ardhshëm. Mesfushori është peng i kontratës te Kukësi, pasi në janar firmosi një kontratë më kohëzgjatje 6 muaj plus 1 vit, e nëse lojtari nuk bënte kërkesën për largim, kontrata i rinovohej automatikisht. E pikërisht më datën 15 gusht mesfushori do të ketë një kontratë të re, pasi pjesa për 1 vit i hyn menjëherë në fuqi. Dzaria ishte në dyshim nga drejtuesit, por duke parë interesin e shumtë për të nga disa klubeve në Shqipëri dhe jashtë saj, por dhe paraqitjen e mirë ndaj Valetës, mund të mos e lëshojnë. Kjo mund të ketë qenë një manovër e klubit që lojtari të mos kërkonte kushte të reja financiare, por te ndihej i kënaqur me rritjen vetëm prej 1 mijë eurosh më shumë për sezonin e ri. Pra, nga 3 mijë që paguhej për gjysmën e sezonit të shkuar, tani do t'i bëhet automatikisht 4 mijë euro për kontratën e re 1-vjeçare. Mësohet se trajneri Cungu ka dhënë OK- in për qëndrimin e tij. Përveç Dzarias, ka edhe një mori futbollistësh që klubi do punojë për kontratat e reja. Shametit, Musollit, Rrumbullakut, Allës dhe Hoxhës u përfundojnë kontratat mbas Kupave të Europës. Brenda kësaj jave pritet që të mbyllet gjithçka me këta lojtarë, pasi me 19 gusht nis kampionati.
DZARIA URON KARABAKUNGjeorgjiani Dzaria, në një prononcim për "Azerisport.com", ka theksuar se Karabaku e meritoi fitoren dhe se penalltitë ishin të sakta: "Karabaku e meritoi fitoren, i përgëzoj ata për kualifikimin. Ndeshja e dytë ishte më e vështirë sa ajo në Shqipëri. Ne hymë në fushë për ta mbyllur pjesën e parë pa gola, por kundërshtari
arriti të na shënonte. Pas golave çdo gjë u bë akoma më e vështirë për ne. Sa u përket penalltive të dhëna, unë them se të gjitha ishin. Karabaku ka lojtarë që bëjnë diferencën si Emegara, Mikel, Dani dhe Zubir, të cilët janë shumë të fortë dhe nuk është e lehtë të luash
kundër tyre. Ata luajtën një rol të madh në këtë fitore dhe e udhëhoqën ekipin e tyre. Tani Karabakun e pret një ndeshje e vështirë me Bate Borisov, por kam përshtypjen se do të jetë në gjendje të fitojë dhe të shkojë më tej në Champions League".