Anglezët divorcohen me Elbasanin
Klubi kthehet sërish nën administrimin e bashkisë dhe presidentit Arben Laze
err fund periudha e errët e anglezëve në drejtimin e klubit të Elbasanit. Pasi qëndruan në krye të klubit afro dy vite, me "suksesin" e vetëm për të cilin do të mbahen mend gjatë, atë të rrëzimit të skuadrës në Kategorinë e Dytë, tani klubi do të drejtohet nga dy aksionerët e mëparshëm, Bashkia Elbasan ( 54%) dhe Arben Laze ( 46%). Në fakt, kjo gjë u përfol edhe muaj më përpara dhe u përforcua nga ana e aksionerëve përgjatë këtyre ditëve, por "vulën" për zyrtarizImin e prishjes së marrëveshjes e vendos ish- administratori i klubit, Arian Kokali, i cili më datë 20 korrik ka dhënë zyrtarisht dorëheqjen.
LETRA
"Panorama Sport" arrin të sigurojë edhe letrën me shkrim dore që ish- administratori i klubit të Elbasanit, Arian Kokali, ka shkruar për dorëheqjen e tij të parevokueshme, duke kërkuar nga ana e QKB- së çregjistrimin e tij si administrator i F. K Elbasani sh. a. Ndër të tjera, në letrën e tij shkruhej: "Unë i nënshkruari Arian Kokali, lindur dhe banues në Tiranë, kërkoj të heq dorë nga detyra e administratorit të F. K Elbasani sh. a. Kjo kërkesë është e parevokueshme. Kërkoj nga QKB çregjistrimin tim si administrator i F. K Elbasani sh. a", thuhej ndër të tjera në letrën e ish- administratorit. Pas një jave, në datën 27 korrik, kërkesa e dorëheqjes së tij është hedhur edhe në QKB. Kujtojmë se Kokali e mori zyrtarisht detyrën e administrimit të klubit të Elbasanit në datën 4 janar 2018 pas shkarkimit të Florenc Kushit. Aventura e tij zgjati vetëm pak muaj në krye të klubit elbasanas, pasi kompania angleze u largua nga klubi. Për aq kohë sa qëndroi nuk u interesua
për problemet e klubit, pasi mësohet se zgjedhja e tij ishte thjesht formale, ndonëse në disa ndeshje ishte prezent për të parë nga afër skuadrën.
E ARDHMJA
Tani që aksionet i kanë kaluar bashkisë dhe Lazes,
u takon atyre që të zgjedhin administratorin e ri dhe kupolën drejtuese të klubit. Për momentin nuk ekziston asnjë emër konkret, por mësohet se gjithsesi zgjedhja do të jetë brenda " shtëpisë". Përgjatë këtyre ditëve ka pasur takime dhe
diskutime të shpeshta midis kryebashkiakut Qazim Sejdini dhe presidentit Arben Laze për sigurimin e financave të klubit për këtë sezon. Ndërkaq, skuadra ka nisur prej disa ditësh përgatitjet nën drejtimin e trajnerit Ilirjan File.